Көлсайда жасөспірімді жылан шағып алды видео

АСТАНА, 6 шілде – Sputnik. Көлсайда жасөспірімді жылан шағып алды, деп хабарлады төтенше жағдайлар министрлігі.

ТЖМ құтқарушылары жылан шаққан жасөспірімге жедел көмек көрсеткен.

"Алматы облысындағы Көлсай көлдері аумағында кезекшілік атқарып жүрген жедел-құтқару жасағының қызметкерлеріне демалушылар жүгініп, 16 жастағы қызды жылан шаққаны туралы хабарлаған", - деп жазылған хабарламада.

Құтқарушылар зардап шеккен жасөспірімге әмбебап құтқару бекетінде жедел алғашқы медициналық көмек көрсетті. Одан кейін қызметтік автокөлікпен медициналық мекемеге жеткізілді.

ТЖМ жылы мезгілде жыландар белсенді болатынын ескертіп, табиғат аясында демалу кезінде сақтық шараларын сақтауға, белгіленген соқпақтардан шықпауға, жыландарға жақындамауға әрі оларды ұстауға тырыспауға шақырды.

Жылан шаққан жағдайда дереу медициналық көмекке жүгініп, 112 нөміріне хабарласу қажет.

Жыланды қолымен ұстап алған 85 жастағы әже желі қолданушыларын таң қалдырды

3 Маусым 2025, 22:00