Көмірмен көмкерілген әшекейлер

Қарағандылық дизайнер Ольга Целлер Кеншілер астана­сының брендіне айналған көмірден зергерлік бұйымдар жасайды. Шебердің көз тартар туындыларын халықаралық сарапшылар жоғары бағалап келеді.

Ольга Целлердің зергерлік өнермен айналысып келе жатқанына 10 жылдан асты. Қара алтынмен зергерлік бұйым жасап жүргеніне жеті жылдың айналасы болыпты. Мұнысы алтынқол шебердің айтуынша, шығармашылығын айшықтап тұратын көрінеді.

 – Алғашқы бұйымдарым өте нәзік болды, тағуға жарамайтын, тез сынып кететін. Оның үстіне түсі киімге жұғып, былғайтын. Кейін тәжірибе арқылы тұрақтандыру тәсілін меңгердім. Қазір әшекейлерім қауіпсіз әрі берік. Бұл материалмен жұмыс істеу оңай емес. Үгітіліп тұратын көмірді тұрақтандыруға екі апта уақыт кетеді. Арнайы шайыр арқылы өңделген қара тас берік болып, қолға да, киімге де зиян келтірмейді. Көмірдің әр түрін сынап көрдім. Ең сапалысы – антрацит. Негізі түрлі материалдармен тәжірибе жасағанды ұнатамын. Ағаш, тері, тіпті эпоксидті шайырды да қолданамын. Көмірдің ішінде антрацит ең берік түрі. Дегенмен оны табу қиын. Қазір көмір тасушылардың бәрі мені танып алған. Үйіме көмір алсам міндетті түрде 1 шелек ерекше түрлерін жинап әкеліп береді, – дейді зергер.

Ольганың бірталай шә­кірті бар. Солардың бірі – Наталия Старостина. Ол әуелі ди­зай­нердің әлеуметтік желідегі жұмыстарын бақылап, кейін әшекей сатып алыпты. Уақыт өте келе қызығушылығы артып, шеберлік сағатына арнайы қатысқан. Қазір өзі де түрлі бұйымдар жасап, сатады.

 – Ольга – мықты дизайнер. Жұмыстары өзгеше. Әшекейлерін тағып көргеннен кейін, сән әлемінде өзімді де байқағым келді. Қазір бұ­йым­дар жасап, сата бастадым. Көбіне гүлді бұйымдар жаса­ғанды ұнатамын, – дейді Наталия Старостина.

Ольганың еңбегі бірнеше отандық байқауда жоғары баға­ланып, түрлі көрмелер мен арт-жәрмеңкелерге ұсы­нылды. Былтыр қыркүйек айын­да оның бренді Милан сән апталығында таныстырылды. Дизайнер көрсетілімге кәсіби модельдерді емес, өз құрбыларын ертіп баруды жөн көрген. Осылайша, подиумда 14 әйел өнер көрсетіп, дизайнердің еңбегін елге таныс­тырды.

Алдағы уақытта дизайнер әшекейлер түрін көбейтіп, отандық дизайнды халық­аралық деңгейде насихаттауды ойластырып отыр.

Қарағанды облысы

Соңғы жаңалықтар

Серік Сәпиев министрдің штаттан тыс кеңесшісі болып тағайындалды

Тағайындау • Бүгін, 12:58

Заңғар Нұрланұлы жасөспірімдер рейтингінде үздік ондыққа кірді

Спорт • Бүгін, 12:43

Қазақстан мен Вьетнам өзара тауар айналымын екі есе арттыруға ниетті

Экономика • Бүгін, 12:33

Астанада TikTok желісіндегі жалған «емшіге» сот үкімі шықты

Қоғам • Бүгін, 12:23

Мұнай қоры бойынша ТОП-15 ел: Қазақстан қатарда бар ма?

Қазақстан • Бүгін, 12:19

Трамп: Үндістан Ресей мұнайынан бас тартты

Әлем • Бүгін, 12:09

FlyArystan тегін қол жүгінің салмағын арттырады

Қоғам • Бүгін, 11:57

Жемқорлықпен күрес: Бюджетке 100 млн теңгеден астам қаржы қайтарылды

Заң мен Тәртіп • Бүгін, 11:40

«Қорғас» кеден бекеті екі аптаға жабылады

Қоғам • Бүгін, 11:28

Алматыда гимнастикадан ел чемпиондары анықталды

Спорт • Бүгін, 11:17

Серік Сәпиев пен орынбасары қызметінен кетті

Қоғам • Бүгін, 11:07

Голан жоталарында Қазақстанның қанша бітімгері қызмет етеді?

Әскер • Бүгін, 10:57

Олимпиада-2026: Ұлттық банк жаңа коллекциялық монеталарды шығарады

Қоғам • Бүгін, 10:38

ЖИ жыл құстарын зерттеудің жаңа дәуірін ашты

Технология • Бүгін, 10:28

Сенсациялық нәтиже: Бибісара Асаубаева супертурнирде үздік бестікке енді

Спорт • Бүгін, 10:17

Барлық жаңалықтар