Конго кен орындарын күзететін әскерилендірілген құрылым құрмақ

Жоспарға сәйкес, 2028 жылдың соңына дейін 20 мыңнан астам адам қызметке тартылады. Алғашқы бөлімшелер жарты жылдық даярлықтан соң биылғы желтоқсанда жұмысын бастайды.

Жобаның жалпы құны 100 млн долларды құрайды. Оны Америка Құрама Штаттары мен Біріккен Араб Әмірліктері қаржыландырып отыр. АҚШ үшін бұл бастама кобальт, мыс, литий секілді маңызды шикізатқа қол жеткізуді нығайтып, қытайлық компаниялардың ықпалын шектеуге мүмкіндік береді.

Бұл өңір табиғи байлыққа бай болғанымен, қарулы топтардың әрекеті мен заңсыз кен айналымы өзекті мәселе болып қала береді. Жаңа құрылым осы саланы ретке келтіріп, батыс елдерімен жұмыс істейтін жеткізілім тізбегінің ашықтығы мен қауіпсіздігін қамтамасыз етуге бағытталған.

Осыған дейін Конгодо шахта опырылып, 200-ден астам адам көз жұмғаны туралы жаздық.