Конституция күні 15 наурызда тойланады

АСТАНА, 19 ақпан – Sputnik. Сенат төрағасы Мәулен Әшімбаев Конституция күніне қатысты пікір білдірді.

"Конституцияның қабылданған күні біздің елімізде мереке ретінде тойланатыны айтылған. Сондықтан, егер Конституция қабылданып жатса, әрине, мерекеміздің де күні өзгереді", - деді Әшімбаев.

Еске салайық, 15 наурызда жаңа Конституция бойынша республикалық референдум өтеді. Президент сәйкес жарлыққа қол қойған болатын.

Референдумға "Жобасы бұқаралық ақпарат құралдарында 2026 жылы 12 ақпанда жарияланған Қазақстан Республикасының жаңа Конституциясын қабылдайсыз ба?" деген сұрақ шығарылады.

Қаржы вице-министрі Дәурен Темірбековтің айтуынша, қазіргі кезде референдумға жұмсалатын қаржының нақты сомасы белгісіз. Алдымен министрлікке тиісті бюджеттік ұраныс түсуі керек. Ол қаржы үкімет резервінен алынады.