Конституциялық Сот: азаматтық даулар қылмыстық тергеуге жатпайды

Қазақстан Республикасының Конституциялық Сотына Қылмыстық-процестік кодекстің 179-бабының Конституцияға сәйкестігін тексеру туралы арыз келіп түсті.

Арыз заң консультантын қылмыстық жауапкершілікке тарту туралы талаптан бастау алған. Бұл дау ақылы қызмет көрсету шартына байланысты туындаған: арызданушы мемлекеттік бажды төлеу үшін қаражат берген, алайда қызмет көрсетілмеген және ақша қайтарылмаған.

Полиция мен прокуратура істің азаматтық-құқықтық сипатта екенін және оны азаматтық сот тәртібімен шешу қажеттігін көрсетті. Бұл тұжырымды тергеу соты мен апелляциялық саты да қолдады.

Арызданушы болса, Сотқа дейінгі тергеп-тексерудің бірыңғай тіркеуден бас тарту оның қорғану құқығын бұзады деп есептеген.

Конституциялық Сот сот арқылы қорғалу құқығы даудың сипатына қарай әртүрлі іс жүргізу нысандарында жүзеге асырылатынын атап өтті.

Қылмыстық жауаптылық тек қылмыстық құқық бұзушылық белгілері болған жағдайда ғана туындайды. 

Азаматтық-құқықтық және қылмыстық-құқықтық қатынастарды ажырату құқықтық жүйенің маңызды элементі болып табылады және конституциялық кепілдіктерге нұқсан келтірмейді.

Осылайша, Конституциялық Сот азаматтық-құқықтық дауларды қылмыстық тергеуге жатқызуға болмайтынын нақтылап берді.

Бүгін, 13:58