Көрісу күнінің кереметтері

Елордадағы Ататүрік саябағында «Көрісу күні – Амал мерекесі» атты ауқымды мәдени іс-шара ұйымдастырылды. Мерекелік іс-шараға мәдениет қайраткерлері, зиялы қауым өкілдері мен қала қонақтары қатысты.

Суретті түсірген – Ерлан ОМАР, «EQ»

Мереке театрландырылған көрі­ніспен басталды. Қыдыр ата мен Ұмай ана жиналған жұртқа бата беріп, амандық, бақ-береке мен бақыт тіледі. Одан кейін ұлттық киім киген мыңнан астам адам бір мезетте ежелгі Көрісу күні дәстүрін орындап, бір-бірімен құшақтасып көрісіп, жылы лебіздерін білдірді.

Салтанатты жиын барысында көктем­нің келуі мен табиғаттың жаңаруын бейнелейтін қойылымдар сахналанып, ұлттық салт-жоралғылар мен интерактивті мәдени бағдарламалар ұсынылды. Сондай-ақ сахнада Астана қаласының Мәдениет басқармасына қарасты шығармашылық ұжымдары өнер көрсетіп, бұқара мерекелік концертті тамашалады.

Белгілі ақын Дәулеткерей Кәпұлымен әңгімелескенімізде: «Қазір халық Наурыз мерекесінің мән-маңызын терең түсініп, еліміздің әр өңірінде ұлттық дәстүрді ұлықтау жанданып келеді. Көріп отырсыз, бүгінгі мерекелік көңіл күй керемет. Мұндай мерекелердің басты мақсаты халқымыздың ғасырлар бойы қалыптасқан мәдени мұрасын, ұлттық өнері мен салт-дәстүрін дәріптеу, ел бірлігі мен ұлттық бірегейлікті насихаттау болуға тиіс», деді ол.

«Көрісу күні – Амал мерекесі» атты іс-шараны ұйымдастырушылар ұлттық дәстүр мен заманауи технологияны ұштастырып, жасанды интеллект арқылы мәдени құндылықтарды танытуды да көздепті. Елорданың цифрлық дамуына ерекше үлес қосып жүрген азаматтар арнайы киіз үй тігіп, AI-аймақ та ұйымдастырған. Бұл киіз үйге келген қонақтар экрандағы қыздан Наурыз мерекесіне қатысты сұрақ сұрап, электронды садақ атып, құлтемірмен би билеп, сән-салтанат құрды. «Astana innovations» ұйымының қызметкері Айдын Есбек ел бірлігі мен ұлттық болмысты заманға сай технологиямен насихаттау керектігіне тоқталып, жасанды интеллект арқылы дәстүрді насихаттау алда да жалғасын табатынын айтты. 

Сонымен қатар саябақ аумағында ұлттық музыкалық аспаптар мен қолдан­балы өнер бұйымдарының көрмесі ұйымдастырылып, келушілерге қазақ халқы­ның бай мәдени мұрасымен жақы­нырақ танысуға мүмкіндік берілді. Жұрт өнерпаздардың концертін тамашалаудан бөлек, кір тасын көтеріп, алтыбақан теуіп, асық, тоғызқұмалақ ойнап, көңіл көтерді.

Соңғы жаңалықтар

Жанкүйерлер Ербол Хамитовты әуежайда салтанатты түрде қарсы алды

Спорт • Бүгін, 09:31

«Жасыл» энергия – жаһан үдерісі

Энергетика • Бүгін, 09:00

Баспана бәсекесі: бақ шаба ма, бап шаба ма?

Ипотека • Бүгін, 08:55

Ұлыс пен ырыстың негізі

Наурызнама • Бүгін, 08:50

ОРК: Жаңа Конституцияны қолдағандар – 87,15 пайыз

Референдум • Бүгін, 08:48

Қарлығаш – құт-береке рәмізі

Наурызнама • Бүгін, 08:45

Кемел әулетінің кемеңгері

Қоғам • Бүгін, 08:40

Тарихи кезеңмен тұспа-тұс келген Наурыз

Мереке • Бүгін, 08:38

Жарыс күнделігі

Спорт • Бүгін, 08:35

Тасқынның алдын алу шаралары күшейтілді

Аймақтар • Бүгін, 08:33

Ақтүтек боран әбігерге салды

Аймақтар • Бүгін, 08:30

Басқа басылымдардан: Парламент бір палаталы жүйеге ауысады

Басылым • Бүгін, 08:27

Заманауи медициналық нысандар

Аймақтар • Бүгін, 08:25

«Amanat» партиясының үндеуі

Партия • Бүгін, 08:22

Брайль қарпіндегі Ата заң

Ата заң • Бүгін, 08:20

Барлық жаңалықтар