Көзден таса: Атырауда Бейбарыс даңғылы бойындағы жеке үйлер қоршаумен жабылды

Атырау қаласындағы Сұлтан Бейбарыс даңғылы бойында биік металл қоршаулар пайда болып, тұрғындардың назарын бірден аударды. 

Көпшілік бұл өзгерісті жеке секторды көзден таса ету әрекеті деп қабылдап, әлеуметтік желілерде қызу талқылау басталды.

Осыған байланысты «Ақ Жайық» қала әкімдігінің баспасөз қызметінен түсініктеме алуға жүгінді. Баспасөз хатшысы Ғасырбек Төлегеннің айтуынша, қоршаудың артында ешқандай құрылыс немесе жасырын жұмыс жүргізіліп жатқан жоқ.

— Сұлтан Бейбарыс даңғылы – қаламыздың орталық көшелерінің бірі. Көшенің сәулеттік келбетін жақсарту мақсатында түрлі-түсті қоршаулар бір типті жасыл түсті қоршаулармен қоршалуда. Арнайы құрылыс жұмыстары жоспарланған жоқ, — деді ол.

Әкімдіктің мәліметінше, бұл бастама — даңғылдың сыртқы көрінісін ретке келтіру әрекеті ғана. Қоршаулардың мақсаты — бір нәрсені жасыру емес, қаланың эстетикалық бейнесін жақсарту.

Әкімдік мәліметінше, жаңа қоршаулар — бөгде көзден бірдеңені жасыру емес, тек даңғылдың көрінісін ретке келтіру әрекеті ғана.

Айнұр САПАРОВА

Бүгін, 22:17