Көзді лазерлік түзету: жаңа мүмкіндік

Көз аурулары Қазақ ғылыми-зерттеу институты 90 жылдан астам тарихы бар, еліміздегі ең ірі офтальмологиялық орталықтың бірі.

Мұнда көзге лазерлік түзету әдісі көп жылдан бері сәтті жүзеге асырылып келеді. Операцияны институттың жоғары білікті офтальмохирургтары жасайды.

Әсем Намазбаева, рефракциялық лазерлік хирургия бөлімінің меңгерушісі:

- Қазіргі уақытта лазерлік түзету өте танымал әдіс. Бұл әдіс арқылы көздің көру қабілетін қалпына келтіруге болады. Бұл ғылыми түрде дәлелденген. Егер сіз көзілдірік, контакт линза кигіңіз келмесе біздің институтқа келіп диагностика өтсеңіз болады.

Лазерлік түзету нақты әрі жан-жақты диагностикадан басталады. Науқастың көзінің ерекшеліктерін бағалап, содан кейін ғана емдеу әдісі таңдалады. Институтта лазерлік түзетудің классикалық және ең заманауи технологиялары қолданылады.

Зарина Бейсенбаева, "Көз аурулары" ҚАЗҒЗИ офтальмолог дәрігері

- Біріншіден ФРК дейді, ол бірінші қабатын алып тастау, ол ескі әдіс. Екінші әдіс ол FemtoLASIK деп аталады. Ең заманауи соңғы әдіс ReLEx SMILE мен CLEAR деп аталады. Ол қысқа уақытта пациент науқас жұмыс істей берсе болады. Бір күннен кейін.

Лазерлік түзету институттың Алматы, Астана және Шымкент қалаларындағы клиникаларында жасалады. Барлық филиалдар бірыңғай клиникалық және ғылыми стандарттар бойынша жұмыс істейді.

Гүлжан Көленқызы, Сержан Жұмабаев