Күйеуім ұрып соқты, шыдап келдім : Гүлзира Айдарбекова елден жасырған құпиясын ашты (ВИДЕО)

Продюсер Гүлзира Айдарбекова отбасылық өмірге қатысты көзқарасын айтып, қазіргі қоғамда жиілеген ажырасу тақырыбына байланысты өткір пікір білдірді, деп хабарлайды Arasha.kz.

Айдарбекованың айтуынша, бүгінде ажырасуды "табыстың жолы" ретінде көрсететін әңгімелер көбейіп, бұл жастардың санасын шатастырып жатыр.

"Күйеуімнен қиындық көрдім ұрды-соқты, шыдап келдім түк тапқан жоқ содан ажырасып кеттім. Ажырасқан кезде қиналдым. Сосын жұмыс істедім. Қазір көтерілдім, менде вилла бар, джип бар" деп жұрттың бәріне сабағын сатады. Содан кейін жастардың миы айналады. Олар қайбір ақыл айтатын адамдар дейсің. Ене мен келіннің арасына от салады", – деді ол.

Продюсер отбасындағы сыйластық пен рөлдердің орны бөлек болуы керектігін де атап өтті.

"Бізге аналарымыз әйелдің бір табан кішірейіп тұру керектігін үйреткен. Ата-ене мен азаматты сыйла деген. Қазір азаматтың ешқандай қадірі қалған жоқ. Бәрін әйел басқаратын, әйелдің айтқанымен жүретін уақыт болып кетті. Әр нәрсенің өз орны болуы керек. Сен қыз кезіңді еркелік жасадың. Енді ана болған кезде бір үйдің түтінін түтетемін деп келесің ғой. Неге сен қартайған ата-ананы тастап кетуің керек? Өз өміріңді сүретін де уақыт болады", – деп түйіндеді Гүлзира Айдарбекова.