Күйік бірден пайда болмайды . Алматылықтарға таудағы қауіпті гүл туралы ескерту жасалды

Алматылықтарға әлеуметтік желілерде қазір тауда белсенді гүлдеп жатқан қауіпті өсімдік туралы ескертілді. Сөз "күймесгүл" деген атпен белгілі өсімдік туралы болып отыр. Желі қолданушыларының айтуынша, оған тиіп кеткен жағдайда теріні қатты күйдіріп алу мүмкін. Tengri Travel бұл өсімдіктің туристер үшін шынымен де қауіпті екенін анықтады.

Алматылықтарға әлеуметтік желілерде қазір тауда белсенді гүлдеп жатқан қауіпті өсімдік туралы ескертілді. Сөз "күймесгүл" деген атпен белгілі өсімдік туралы болып отыр. Желі қолданушыларының айтуынша, оған тиіп кеткен жағдайда теріні қатты күйдіріп алу мүмкін. Tengri Travel бұл өсімдіктің туристер үшін шынымен де қауіпті екенін анықтады.

Бәрі қалай басталды?

Талқылауға Алматы тұрғынының әлеуметтік желідегі жазбасы себеп болды. Ол қазір тауда әдемі, бірақ улы өсімдік - күймесгүлдің гүлдеп жатқанын айтты.

"Химиялық күйік алу өте оңай. Басында ештеңе сезілмейді, бірақ келесі күні тері қызарып, күлдірей бастайды. Хош иісін жұту да қауіпті - тыныс алу жолдарын күйдіріп алу мүмкін. Сондықтан оған жоламаңыздар", - деді ол.

Скриншот: Threads

Ұлттық паркте не деді?

Іле-Алатау мемлекеттік ұлттық табиғи паркі өсімдіктің шынымен де қауіпті болуы мүмкін екенін растады.

"Әлеуметтік желідегі ақпарат шындыққа толық сәйкес келеді. Іле-Алатау ұлттық паркі аумағында жіңішке жапырақты күймесгүл (Dictamnus angustifolius) кеңінен таралған. Бұл - өте қауіпті улы өсімдік, оның гүлдеу кезеңі мамыр-маусым айларына келеді", - деп түсіндірді ұлттық парктегілер.

Өсімдік теріге тиіп, оған күн сәулесі түскенде күйікке ұқсас реакция тудыруы мүмкін.

"Күймесгүл - құрамында эфир майлары бар жабайы өсімдік. Күн сәулесінің әсерінен теріге тиген кезде ол фотодерматит тудыруы мүмкін", - деп нақтылады мамандар.

Ал "өкпе күйігі" туралы не деуге болады?

Тыныс алу жолдарының күюіне қатысты мәселенің өз ерекшеліктері бар.

"Ғылыми дереккөздерде "иісін жұтқан кезде тыныс алу жолдарының күюі" туралы ақпарат шектеулі түрде ғана расталады, алайда өсімдікке тиіп, кейін күн сәулесінің әсеріне ұшырау шынымен терінің зақымдалуына әкелуі мүмкін", - деп атап өтті ұлттық парктегілер.

Ұлттық паркте өсімдік туралы ерекше дерекпен де бөлісті. Эфир майларының көптігінен бұта от тисе лап ете қалуы мүмкін, бірақ өзі жанып кетпейді.

"Теріге тиген жағдайда адамда ұзақ уақыт жазылмайтын тыртық қалдыратын күйік пайда болады. Мал оны жемейді. Өсімдік құрамындағы кумариндер күн сәулесімен реакцияға түсіп, фототоксикалық реакциялар тудырады, бұл терінің күюіне себеп болады. Сондықтан ашық күнде терінің өсімдікке тиюінен барынша сақ болу керек", - деп түсіндірді ғалымдар.

Парк әкімшілігі өсімдіктің халық арасындағы "күймесгүл" атауының шығу төркіні туралы да қызықты мәлімет айтты.

"Ұшпа майлардың көптігінен өсімдік жанында сіріңке жақса, ол бірден лап ете түсуі мүмкін, бірақ бұтаның өзі жанып кетпейді (халық арасында оны "күймесгүл" деп атайды)", - деді ғалымдар.

Ұлттық парктің ұсыныстары

Ұлттық парк әкімшілігі келесідей кеңес береді:

жабайы өсімдіктерді ұстамау; белгісіз өсімдіктердің жанында ұзақ тұрмау және олардың иісін жақыннан иіскемеу; тауда серуендеу кезінде қауіпсіздік ережелерін сақтау; тек белгіленген туристік маршруттармен жүру.

Мамандар тіпті әдемі тау өсімдіктерінің де қауіпті болуы мүмкін екенін, сондықтан серуендеу кезінде мұқият болу керектігін ескертті.

Google News арқылы жаңалықтарымызды қадағалаңыз

Жазылу