Күз қарқын алуда Қазақстанға үсік пен жаңбыр келе жатыр

"Қазгидромет" мамандары 29, 30 қыркүйек пен 1 қазанға арналған ауа райы болжамын ұсынды, деп хабарлайды Tengrinews.kz тілшісі.

Болжамға сәйкес, алдағы күндері Қазақстанда негізінен жауын-шашынсыз ауа райы сақталады, алайда 1 қазанда жағдай өзгереді. Елдің басым бөлігінде жаңбыр жауып, найзағай ойнайды деп күтіледі, ал солтүстік өңірлерде үсік жүруі жалғасады.

29 және 30 қыркүйекте Қазақстан аумағының басым бөлігі жоғары атмосфералық қысым алқабының ықпалында болады. Сондықтан бұл күндері айтарлықтай жауын-шашын күтілмейді.

Түнде және таңертең кей жерлерде тұман түседі деп болжанады.

Бұл ретте еліміздің солтүстік жартысында 1–3 градусқа дейін үсік сақталады.

Күндіз Қазақстанның солтүстік бөлігінде ауа температурасы +15…+23 градусқа дейін көтеріледі.

ҚАЗІР ТАЛҚЫЛАНЫП ЖАТЫР

Некені онлайн бұзуға болады. Қазақстанда ажырасу “жаңа нормаға“ айналып бара ма?

18 тамыз 13:06 2

Оңтүстікте температура +20…+25 градус, таулы аймақтарда +10…+15 градус болады.

Қазанның алғашқы күнінде-ақ Қазақстанның басым бөлігінде тұрақсыз ауа райы күтіледі. Ел аумағына атмосфералық фронттар әсер етіп, соның салдарынан найзағай ойнап, жаңбыр жауады, жел күшейеді.

Оңтүстікте температура +15…+23 градусқа дейін, таулы аймақтарда +8…+13 градусқа дейін төмендейді.

Бұған дейін синоптиктер Қазақстандағы қазан айына арналған ауа райы болжамын айтқан болатын. Айдың басында кей өңірлерде әлі де салыстырмалы түрде жылы ауа райы сақталады, алайда кейін температуралық фон өзгере бастайды. Бұл ретте ауа райы аймақтар бойынша айтарлықтай ерекшеленеді: кей облыстарда жылы болса, басқаларында күн суытып, жаңбыр мен жылбысқы қар жаууы мүмкін. Толығырақ осы жерден оқыңыз.

Бізді Google-дың негізгі дереккөздер тізіміне қосыңыз