Лавров: Ресей 20 тармақтан тұратын Украина бойынша бейбіт жоспарды алған жоқ

АСТАНА, 11 ақпан – Sputnik. Ресейге 20 тармақтан тұратын Украина бойынша бейбіт жоспар ешқашан ресми немесе бейресми жолдармен ұсынылмады, деп мәлімдеді РФ сыртқы істер министрі Сергей Лавров.

"Қазір олар ешкім ресми де, бейресми де жолдамаған 20 тармақтан тұратын "құжатты" көрсетіп жүр. Оның мазмұнының бір бөлігі бұқаралық ақпарат құралдарына жарияланды", – деді Лавров "Эмпатия Манучи"интернет-жобасына берген сұхбатында.

Оның пікірінше Ресей және АҚШ президенттері Владимир Путин мен Дональд Трамп арасындағы Аляска саммитінде қол жеткізілген келісімдер негізінде Украинадағы жағдайды реттеуге арналған соңғы келісімді тез арада бекітуге болар еді. Алайда кейін бұл құжат бірнеше рет қайта өңделген.