Лавров Украина, Еуропа және жаһандық қауіпсіздік атты мақала жазды

АСТАНА, 19 маусым – Sputnik. Ресей СІМ министр Сергей Лавровтың мақаласын жариялады.

Бастапқыда мақаланы еуропалық Politico Europe басылымында жариялау жоспарланған, бірақ кейін редакция оны жариялаудан бас тартты, деп атап өтті министрлік.

Еуропалық элита өзінің "саяси капиталын" Ресеймен текетіреске салып, Киев режимін қолдауға және Еуроодақ пен НАТО елдерінің әскери бюджетін арттыруға жүздеген миллиард доллар жұмсады, деп жазды Лавров.

"Еуропа Ресеймен қақтығысқа 2030 жылға қарай дайын болуды көздеп отыр. Оған дейін түрлі әдістермен уақытты созғысы келеді. Осы жылдың сәуір айында Бельгия Бас штабының бастығы мысқылмен "украиналықтардың арқасында бізде әлі бірнеше жыл бар" деп айтқан болатын", - деді сыртқы істер министрі.

Сонымен бірге, біртұтас Еуропа кеңеюді армандайды, Украина мен Молдавияны өз қолына алуды көздеп, Арменияны өз орбитасына тартып жатыр. НАТО Финляндия мен Швецияны қосып, шығысқа қарай кеңейді.

Еуропалық көшбасшылар 1975 жылғы Хельсинки қорытынды актісі қабылданғаннан бастап Еуропада ондаған жыл бойы қалыптасқан аймақтық қауіпсіздік моделін өз қолымен жойғанын түсінуі керек, деді Лавров.

"Оған қайтып оралу мүмкін емес. Біз қазір заманауи дәуірдің көпполярлы шындығын көрсететін барлық Еуразия елдері үшін ашық жалпыконтиненттік қауіпсіздік архитектурасын құруға бет бұруымыз керек", - деп атап өтті ол.