М. Нәрікбаев атындағы университетте Адал білім адал ұрпақ форумы өтті

Мақсұт Нәрікбаев атындағы университетте «Адал білім – адал ұрпақ» республикалық форумы өтті. Іс-шара барысында Мемлекеттік қызмет істері агенттігі, Ғылым және жоғары білім министрлігі, Оқу-ағарту министрлігі және Академиялық адалдық лигасы өзара меморандумға қол қойды.

Осылайша, құжатты іске асырудың 2026–2027 жылдарға арналған Жол картасы бекітілді. Жиында академиялық адалдықты қамтамасыз ету, білім беру ұйымдарындағы ашықтықты арттыру және жемқорлық тәуекелдерін төмендету мәселелері талқыланды.

Дархан Жазықбай, ҚР Мемлекеттік қызмет істері агенттігінің төрағасы:

- Заң мен тәртіпті қадағалайтын, сақтай алатын адал азаматтарды қалыпастыру, сыбайлас жемқорлыққа ешқанда жол бермеу бойынша жұмыстарды жүргіземіз.

Саламат Идрисов, Х. Досмұхамедов атындағы Атырау университетінің ректоры:

- Сыбайлас жемқорлыққа қарсы нөлдік төзімділік, оқу процесінің ашықтығын, цифрландыруды қолдануды, білім сапасын көтеру және білім алушылардың , әсіресе емтихан тапсырғанда адалдық этикасын сақтау, адалдық принциптерін сақтау.