Мәдиев Премьер министрдің орынбасары ЖИ министрі лауазымын сақтап қалды

Жаслан Мәдиев премьер-министрдің орынбасары - Жасанды интеллект және цифрлық даму министрі болып қайта тағайындалды, деп хабарлайды Tengrinews.kz Ақордаға сілтеме жасап.

"Мемлекет басшысының Жарлығымен Жаслан Хасенұлы Мәдиев Қазақстан Республикасы Премьер-Министрінің орынбасары – Жасанды интеллект және цифрлық даму министрі лауазымына тағайындалды", - делінген Президент жарлығында.

Осылайша, Мәдиев 2025 жылдың қыркүйек айынан бері атқарып келе жатқан қызметін сақтап қалды.

Жаслан Мәдиев 1983 жылы Алматы қаласында дүниеге келген. Әл-Фараби атындағы Қазақ ұлттық университетін, Колумбия университетін және Массачусетс технологиялық институтын бітірген.

Әр жылдары банк секторында, "Самұрық-Қазына" құрылымдарында, Қазақстанның Даму банкінде, Ұлттық банкте және "Қазақстан темір жолында" қызмет етті. 2019–2020 жылдары Ұлттық экономика вице-министрі, 2020–2022 жылдары Стратегиялық жоспарлау және реформалар агенттігі төрағасының орынбасары, кейін Цифрлық даму бірінші вице-министрі болды. 2022 жылдың қазанынан 2024 жылдың мамырына дейін Binance Kazakhstan басшысы болды.

2024 жылғы мамырда Мәдиев Цифрлық даму, инновациялар және аэроғарыш өнеркәсібі министрі болып тағайындалды. 2025 жылғы қыркүйекте ведомство Жасанды интеллект және цифрлық даму министрлігі болып қайта құрылып, Мәдиев премьер-министрдің орынбасары - жаңа министрліктің басшысы лауазымын иеленді.

Google News арқылы жаңалықтарымызды қадағалаңыз