Маңғыстауда қоқиқаздардың күзгі қоныс аударуы басталды: алғашқы үйірлері Үстірт қорығына ұшып келді

Маңғыстау облысында Қазақстанның Қызыл кітабына енген қоқиқаздардың күзгі миграциясы басталды. Алғашқы құстар олардың маусымдық аялдамаларының негізгі пункттерінің бірі - Қарақия-Қарақөл мемлекеттік табиғи зоологиялық қаумалына келіп қонды, деп хабарлайды Tengri Life.

Қаумал өкілдерінің мәлімдеуінше, қоқиқаздардың келуі экожүйенің тұрақтылығы мен өңірдегі биоалуантүрліліктің сақталуын білдіреді. Күз мезгілінде бұл аумақ дәстүрлі түрде қызғылт құстардың ұшу кезіндегі демалатын және қоректенетін маңызды орнына айналады.

Instagram-дағы бұл жарияланымды көру

Үстірт (@ustirt_kz) жариялаған материал

"Қоқиқаздар - ұзын сирақтарымен, иілген тұмсығымен және қызғылт қауырсындарымен ерекшеленетін ең танымал құстардың бірі. Күзгі кезеңде қорық аумағы қоқиқаздардың маусымдық қоныс аудару кезіндегі маңызды аялдамаларының біріне айналады", - деп атап өтті қаумал өкілдері.

Зоологтардың айтуынша, құстардың миграция процесі қоршаған ортаны қорғауда және еліміздің табиғи мұрасын сақтауда маңызды рөл атқарады.

Бізді Google-дың негізгі дереккөздер тізіміне қосыңыз