Мәжіліс депутаттарының жұбайларына тиесілі кіріс сомасы қанша

Атап айтқанда, көпшілік назарына есепті салық кезеңі ретінде 2024 жылғы деректер ұсынылған. Мәжіліс төрағасы Ерлан Қошановтың жұбайы Гүлжан Абауованың кірісі 2024 жылы 1,5 млн теңге болған.

Фото: Құжаттан алынды

Палата төрағасының орынбасары Дания Еспаеваның 2024 жылғы дербес салық салуға жататын табыстары туралы мәліметтері орналастырылмаған.

Фото: Құжаттан алынған скрин

Сонымен қатар Мәжіліс төрағасының тағы бір орынбасары Альберт Раудың жұбайы Светлана Раудың аталған кезеңдегі кірісі 10,8 млн теңге болған.

Фото: құжаттан алынды

Депутат Анас Баққожаевтың жұбайы Әлия Отарбаеваның табысы 4,3 млн теңге сомасында көрсетілген.

Фото: Құжаттан алынды

Ал Ерлан Барлыбаевтың жұбайы Ғалия Барлыбаеваның есепті салық кезеңіндегі деректерінде кіріс ретінде 528 млн теңге жазылған.

Фото: Құжаттан алынды

Мұнымен қоса, Бауыржан Смағұловтың жұбайы Гүлмира Дюсебекованың кірісі 48 млн теңге сомасында белгіленген.

Фото: Құжаттан алынған

Айта кетейік, Премьер-министрдің орынбасары — Ұлттық экономика министрі Серік Жұманғариннің жұбайы 2024 жылы 88 млн теңгеден астам табыс алған. 

Бұған дейін Қаржы министрінің орынбасары Ержан Біржанов Үкімет отырысынан кейін өткен баспасөз мәслихатында табыс декларациясын тапсырудың тәртібі өзгеретінін айтқан болатын.