eGov та мүлікті сақтандыру сервисі іске қосылды: Төлем сомасы қанша?

eGov Mobile мобильді қосымшасында мүлікті және азаматтық-құқықтық жауапкершілікті ерікті сақтандыруға арналған жаңа цифрлық сервис іске қосылды. Жоба «Ұлттық ақпараттық технологиялар» АҚ  («ҰАТ» АҚ ) және «Tumar» сақтандыру брокері» ЖШС-нің бірлесуімен жүзеге асырылып, азаматтарға арналған цифрлық қызметтер шеңберін кеңейтуге бағытталған, деп хабарлайды Egemen.kz.

Фото: nitec.kz

Жаңа сервис тұрғын үй жылжымайтын мүлкін және көршілер алдындағы жауапкершілікті толықтай онлайн форматта сақтандыруға мүмкіндік береді. Сақтандыру тұрмыста жиі кездесетін негізгі тәуекелдерді, соның ішінде өрт, жарылыс және су басу салдарынан келтірілген залалды қамтиды. Полис ай сайынғы жазылу форматы бойынша рәсімделеді, бұл қызметті икемді әрі қолжетімді етеді.

«Tumar Home» сервисі eGov Mobile қосымшасына интеграцияланып, азаматтарға өз мүлкін қорғау мүмкіндігін ұсынады.

2026 жылы міндетті мүлік сақтандыруы енгізіле ме?

«ҰАТ» АҚ басқарма төрағасы Даулет Бекмановтың айтуынша, сақтандыруды рәсімдеу туралы шешім пайдаланушының өз еркінде. Ал «ҰАТ» АҚ командасы серіктестермен бірлесіп сервистің мобильді қосымша экожүйесіне ыңғайлы әрі қауіпсіз енгізілуін қамтамасыз етті.

Сақтандыру полисін рәсімдеу үшін пайдаланушы eGov Mobile қосымшасында авторизациядан өтіп, «Хабарламалар» – «Хабарландырулар» бөлімі арқылы «Tumar Home» сервисін таңдайды. Одан кейін дербес деректерді өңдеуге келісім беріп, қажетті мәліметтерді толтырып, сақтандыру жарнасын төлейді.

Халық сақтандыруға неге құлықсыз?

Бұл туралы nitec.kz мәліметінше, сақтандыруға жазылу құны айына 1 500 теңге. Төлемдердің жалпы сомасы 500 мың теңгеге дейін жетеді. Оның 250 мың теңгесіне дейін мүлікке келтірілген залалды өтеуге, ал тағы 250 мың теңгесіне дейін үшінші тұлғаларға келтірілген зиянды өтеуге бағытталады.

Бұл өнімді іске асыруға Freedom Insurance, Basel және Alatau City Garant сақтандыру компаниялары қатысады. Таңдалған компанияға қарамастан, сақтандыру шарттары мен полис құны барлық пайдаланушы үшін бірдей.

«Біз сақтандыруды цифрлық ыңғайлылықтың жаңа деңгейіне шығарғанымызға қуаныштымыз. «Tumar Home» – ең жиі кездесетін тұрмыстық тәуекелдерді қамтитын қарапайым, қолжетімді әрі тиімді өнім. eGov Mobile-мен интеграция сақтандыруды бірнеше қадаммен рәсімдеуге мүмкіндік береді», деді «Tumar» сақтандыру брокері» ЖШС өкілдері.

Сервис жылжымайтын мүлікті енді рәсімдеген азаматтарға қолжетімді. Меншік құқығы тіркелгеннен кейін пайдаланушылар eGov Mobile қосымшасында сақтандыруды рәсімдеу туралы хабарландыру алады. Полис бірнеше минутта, толықтай цифрлық форматта рәсімделеді. Бұл қағаз құжаттардан бас тартып, процестің қарапайым әрі қауіпсіз болуын қамтамасыз етеді. Сервис мемлекеттік электрондық қызметтер экожүйесіне біріктірілгендіктен, азаматтар мүліктік және әкімшілік мәселелерді бір қосымша арқылы қатар шеше алады.

Тұрғын үйді сақтандыру тетіктері пысықталды

Соңғы жаңалықтар

АҚШ-та дауыл салдарынан кемінде 26 адам қаза тапты

Әлем • Бүгін, 10:26

Қарашығанақ операторлары Қазақстанға 4 млрд доллар өтемақы төлейді

Заң • Бүгін, 10:18

Мемлекет басшысы Израиль Президенті Ицхак Герцогқа жеделхат жолдады

Президент • Бүгін, 10:04

Картоп пен сәбіз: 2026 жылы тапшылық қаупі бар ма?

Экономика • Бүгін, 10:01

Жаркенттегі қатыгездік: Баласын аяусыз ұрған әйел 7 жылға сотталуы мүмкін

Оқиға • Бүгін, 09:50

Алматыда автобус жүргізушісі жол үстінде көз жұмды

Оқиға • Бүгін, 09:37

Жел, боран және көктайғақ: Алдағы үш күнде ауа райы қалай құбылады?

Ауа райы • Бүгін, 09:23

Қазақстанда қазір қандай жолдар жабық тұр?

Ауа райы • Бүгін, 09:14

Ата заң реформасы ауқымды өзгерісті қамтиды

Ата заң • Бүгін, 09:05

Заң мен тәртіп – мемлекеттік саясаттың басты қағидаты

Заң мен Тәртіп • Бүгін, 09:00

Әлеуметтік бағытты бекемдеген бастама

Қоғам • Бүгін, 08:55

Өлең құрастыратын кітап

Ғалам ғажаптары • Бүгін, 08:50

Әлемдік тәжірибедегі бір палаталы Парламент тиімділігі

Құрылтай • Бүгін, 08:48

Қамкөңіл жандарға қамқорлық

Қоғам • Бүгін, 08:45

Тәуелсіздік, бірлік һәм жаһандық жауапкершілік

Пікір • Бүгін, 08:43

Барлық жаңалықтар