Референдумға жұмсалатын қаржының нақты сомасы белгілі болды

— Өткен отырыста Үкіметпен референдумға арналған шығыстар сметасымен жұмыс істеп жатқанымызды мәлімдеген едік. Сол уақытта 20,8 млрд теңге турасында айттым. Қаржы министрлігімен пысықтағаннан кейін 20 млрд 778 млн 515 мың теңгеге тоқтадық. Бұл қаражаттың Орталық референдум комиссиясы мен Сыртқы істер министрлігі арасында бөлінетіндігін атап өткім келеді. Сыртқы істер министрлігі белгіленген қызметтер үшін 123 млн 634 мцң теңге алады. Бүгінде қаражат Орталық референдум комиссиясы мен СІМ арқылы комиссиялардың есепшоттарын түсті, — деді ол комиссия отырысынан кейін.

Оның мәліметінше, аталған қаражаттың шамамен 75 пайызы аумақтық комиссия мүшелерінің жалақысына төлеуге жұмсалады. 

Бұған дейін еліміздің Сыртқы істер министрлігі Украина мен Эфиопияда референдум учаскелерін ашпау туралы шешім қабылдаған еді.