Медициналық кітапшаның цифрлық нұсқасы қолжетімді болды

Денсаулық сақтау министрлігінің мәліметінше, енді декреттелген топтағы мамандық иелеріне қағаз түріндегі медициналық кітапшаны алып жүрудің қажеті жоқ. Қажетті ақпаратты смартфон арқылы көрсету жеткілікті.

Жеке медициналық кітапша электронды форматқа ауыстырылды

«Сонымен қатар, санитариялық-эпидемиологиялық қызмет міндетті медициналық тексерулердің уақытылы өтуін қашықтан бақылау мүмкіндігіне ие болды. Егер жеке медициналық кітапшадағы медициналық тексеру туралы жазбалардың мерзімі өтіп кеткен болса, қызметкерді жұмыстан уақытша шеттету бойынша жедел шаралар қабылданады», делінген хабарламада.

Қазақстанда алғаш рет санитариялық-эпидемиологиялық қызметтің құрылған бірыңғай цифрлық экожүйесі мына бағыттарды біріктіреді:

мемлекеттік санитариялық-эпидемиологиялық бақылау; декреттелген топтағы мамандық иелерінің медициналық тексерулері; зертханалық зерттеулер; кәсіпорындардың өндірістік бақылауы; халықты вакцинациялау мониторингі.