Мексиканың гуманитарлық көмек тиелген кемелері Кубаға жетті

Кемелер АҚШ президенті Дональд Трамп Кубаға мұнай жеткізетін кез келген елге баж салығын енгіземін деп қорқытқаннан кейін екі аптадан кейін келді. 

Мексика үкіметінің мәлімдеуінше, кемелердің бірінде сүт, күріш, бұршақ, сардина, ет өнімдері, піспенан, консервіленген тунец және өсімдік майы, сондай-ақ жеке гигиена құралдары сияқты шамамен 536 тонна өнім болған. Екінші кемеге 277 тоннадан астам құрғақ сүт тиелген. 

Куба президенті Мигель Диас-Канель Трамп қорқытуларын «энергетикалық блокада» деп атап, олардың көлік, ауруханалар, мектептер, туризм және азық-түлік өндірісіне әсер ететінін мәлімдеді. 

Мексика президенті Клаудия Шейнбаум кемелер оралғаннан кейін «біз әртүрлі формада одан да көп көмек жібереміз» деп мәлімдеді. Оның әкімшілігі әлі де 1500 тонна бұршақ пен құрғақ сүт жіберуді жоспарлап отырғанын атап өтті.

Оның айтуынша, Мексика Құрама Штаттарға бейбіт диалогқа көмектесуге және Кубаға «күнделікті қызметін қамтамасыз ету үшін мұнай және мұнай өнімдерін алу мүмкіндігін» қамтамасыз етуге тырысып отырғанын хабарлаған. 

Куба билігінің мәліметінше, электр қуатын ауқымды өшіруден басқа Трамптың президенттігінің екінші мерзімі кезінде күшейтілген АҚШ санкциялары елге 2024 жылдың наурызы мен 2025 жылдың ақпаны аралығында 7,5 млрд астам доллар көлемінде шығын келтірді.

Бұған дейін Куба шетелдік әуе компанияларына авиакеросин тапшылығы туралы ескерткенін жаздық.