Мелисса дауылы: Ямайка тұрғындарының өміріне қауіп төнді

АҚШ-тың Ұлттық дауыл орталығының мәліметінше, «Мелисса» максималды тұрақты желмен Ямайкаға қарай 281 км/сағ жылдамдықпен жылжып келеді. Дауыл түнде солтүстікке қарай жақындап, сейсенбіде солтүстік-шығысқа бағытталады деп болжанды.

Ямайка премьер-министрі Эндрю Холнесс осал аймақтардан халықты эвакуациялауға бұйрық берді. Ол тұрғындарды үйде болуға және эвакуация туралы бұйрықты орындауға шақырды.

— Мен әрбір ямайкалықты дайындалуға, дауыл кезінде үйде болуға және эвакуация туралы бұйрықтарды орындауға шақырамын… Біз бұл дауылға қарсы тұрамыз және барлығын қалпына келтіреміз, — деп жазды Холнесс.

Сондай-ақ дауыл Гаити мен Доминикан Республикасында да 4 адамның өмірін қиды, онда қатты жаңбыр су тасқыны мен көшкінге ұласты.

Айта кетейік, «Мелисса» дауылы Доминиканың 1,2 миллионнан астам тұрғынын ауыз сусыз қалдырды.