Мемлекет басшысы жыл басынан бері 95 заң мен 388 жарлыққа қол қойды

Egemen.KZ парақшасындағы деректерге сәйкес, Qazaq24.com ақпарат таратты..

Президенттің көмекшісі – Баспасөз хатшысы Руслан Желдібай Қасым-Жомарт Тоқаевтың биыл атқарған нормативтік-құқықтық жұмыстарының қорытындысын жариялады. Мемлекет басшысы стратегиялық маңызы бар кодекстермен қатар, жаңа қалалардың мәртебесін айқындайтын құжаттарды бекітті, деп хабарлайды Egemen.kz.

Фото: istockphoto.com

«Биыл Мемлекет басшысы 95 Заңға, 388 Жарлыққа, 80 Өкімге, 22 отырыс хаттамасына, 3504 қызметтік құжатқа қол қойды», деп жазды Руслан Желдібай.

Қабылданған құжаттардың ішінде елдің экономикалық және технологиялық дамуына серпін беретін Бюджет, Салық, Су кодекстерінің жаңа редакциялары мен «Жасанды интеллект туралы» Заңның маңызы зор.

Сонымен қатар Президент өңірлерді дамыту мақсатында екі маңызды шешім қабылдады:

«Түркістан қаласының ерекше мәртебесі туралы» Заңға қол қойылды. Бұл құжат Түркістанды ірі мәдени-туристік орталық ретінде дамытуды көздейді. «Алатау қаласына даму қарқыны озық қала» арнаулы мәртебесін беру туралы» Жарлық бекітілді. Бұл шешім Алатауды жоғары технологиялық индустриясы дамыған іскерлік хабқа айналдыруға бағытталған.

Руслан Желдібайдың айтуынша, Қасым-Жомарт Тоқаевтың бұл шешімдері елде экономикалық өсімнің жаңа ортасын қалыптастыру үшін қабылданып отыр.

Биыл ел экономикасындағы өсім соңғы он жылдағы ең жоғары көрсеткішке жетті

Бұған дейін биыл Мемлекет басшысының сыртқы және ішкі саясат бағытындағы қызметі өте қауырт әрі жемісті өткенін жазған едік. Сонымен қатар Президент әуе жүк тасымалы бойынша ұлттық компания құру бастамасын қолдады.