Мемлекеттік үлесті төмен бағамен сату келісімі жарамсыз деп танылды

Алматы қаласының Мамандандырылған табиғат қорғау прокуратурасы мемлекет мүддесін қорғау үшін сотқа жүгініп, «Тәртіп» АҚ-ның қайта ұйымдастырылуына және тіркеу актілеріне қатысты шешімдерді жарамсыз деп тануды талап етті.

Сонымен қатар, мемлекетке тиесілі 33,98% үлесті қайтару туралы өтініш білдірді.

Талап арыздың негізі – мемлекеттік үлестің төмендетілген бағамен сатылуы. Бұған дейін, 2023 жылғы 12 шілдеде шыққан сот шешімімен 2017 жылы жасалған сатып алу-сату шарты жарамсыз деп танылған болатын.

2026 жылғы 30 шілдеде Алматы қаласының Мамандандырылған ауданаралық экономикалық соты прокуратураның талабын толық көлемде қанағаттандырды.

Алайда сот шешімі әзірге заңды күшіне енген жоқ.

Бүгін, 14:56