Мен Леди Гагамен бірге билеп жүрмін қазақстандық биші әншінің жаңа клипіне түсті

Қазақстандық биші Мәдина Бейсекеева Леди Гага мен Doechii-дің "Runway" трегіне түсірілген бейнебаянына қатысты, деп хабарлайды Tengri Life.

Қазақстандық биші Мәдина Бейсекеева Леди Гага мен Doechii-дің "Runway" трегіне түсірілген бейнебаянына қатысты, деп хабарлайды Tengri Life.

Мәдина Бейсекеева бұл жобаға қатысқаны туралы Instagram парақшасында жазды. Ол мұның өз мансабындағы маңызды сәт екенін айтады.

"Леди Гага және Doechii. Қоюшы - Паррис Гобель. Менің мәңгілік шабытым, жобаңның бір бөлігі болу мүмкіндігін бергенің үшін рақмет. Осынау аңызға айналған сәтті аңыз адамдармен бөлісу мен үшін үлкен мәртебе. Мен Леди Гаганың жанында билеймін бе?!", - деп жазды ол ағылшын тіліндегі жазбасында.

Instagram-дағы бұл жазбаны көру

Madina Beisekeyeva (@iam.madiina) бөліскен жазба

Бейнебаянда Мәдина Бейсекеева көз тартарлық киім үлгілерімен көрінеді, ал пікір қалдырушылар оны мансабындағы жаңа жетістігімен құттықтап жатыр.

"Уау! Құттықтаймын, Мәдина! Мен сіздің жолыңызды сонау Қазақстанда жүрген кезден бастап бақылап келемін. Мақтанышымсыз!", "Сізді әлемдік деңгейдегі жұлдыздың бейнебаянынан немесе концертінен көретініме сенімді едім", "Мәдина, қандай керемет!", - деп жазды Instagram қолданушылары.

Бейнебаян "Prada киген әзәзіл" (The Devil Wears Prada) фильмінің екінші бөлімі прокатқа шығар қарсаңында жарық көрді. Видео "Runway" деп аталды, бұл бірінші бөлімдегі кейіпкерлер жұмыс істеген ойдан шығарылған сән журналының атауы. Тректі Леди Гага мен Doechii орындады. YouTube-те бейнебаянды екі миллионнан астам адам тамашалады.

ОБСУЖДАЕТСЯ СЕЙЧАС

Министр Қазақстандағы курьерлер мен такси жүргізушілері үшін алаңдатарлық болжам айтты

Кеше 18:41 1

Қазақстанның Ибраһим келісімдеріне ресми түрде қосылу рәсімі Астанада өтуі мүмкін

Кеше 20:44 1

2006 жылы жарық көрген түпнұсқа фильм әлемдік прокатта шамамен 326 миллион доллар жинап, Мерил Стрипке "Үздік әйел рөлі" номинациясы бойынша "Оскар" сыйлығын алып келді. Туынды аңызға айналған Runway сән журналының бас редакторына көмекші болып жұмысқа орналасқан жас журналист Энди Сакстың (Энн Хэтэуэй) оқиғасын баяндайды.

Фильмнің жалғасында бірінші бөлімдегі басты кейіпкерлер өз рөлдеріне қайта оралады.

"Миранда, Энди, Эмили және Найджелдің аңызға айналған рөлдерінен кейін араға 20 жыл салып Мерил Стрип, Энн Хэтэуэй, Эмили Блант пен Стэнли Туччи Нью-Йорктің сәнді көшелерінде қайта бой көрсетті", - делінген жобаның бұған дейінгі аңдатпасында.

Фильм сиквелінде баспа журналистикасының құлдырауы кезінде өз мансабын сақтап қалуға тырысқан Runway журналының бас редакторы Миранда Пристли (Мерил Стрип) туралы баяндалады.

Сюжет бойынша ол өзінің бұрынғы кіші көмекшісі Эмили Чарлтонмен (Эмили Блант) бетпе-бет келеді. Эмили қазір люкс деңгейдегі компанияда жоғары лауазым атқарады және Пристлиге қажетті жарнама бюджетін басқарады.

Екінші бөлімнің премьерасы 2026 жылдың 30 сәуіріне жоспарланған.

Айта кетейік, бұған дейін Мәдина Бейсекеева голливудтық жобаларға қатысқан болатын. 2024 жылы ол танымал актер Педро Паскальмен бірге бір видеоға түскен.

Google News арқылы жаңалықтарымызды қадағалаңыз