Қазақстандық биші 2026 жылғы жасөспірімдер Олимпиадасының жолдамасына ие болды

Мәдениет және ақпарат министрлігінің мәліметінше, халықаралық жарыс 12-13 қараша аралығында өтеді. 

Айзара Жұмабекова «сТАНЦЫя» би студиясында дайындалып, жасөспірімдер Олимпиадасында Қазақстан атынан сынға түсетін 18 спортшының қатарына енді. 

Әлем бойынша брейкингтен барлығы 12 лицензия бөлініп, спортшылар бір жарым жыл бойы лицензиялық жарыстарда рейтингілік ұпай жинады.

Еске сала кетсек, 2024 жылы Париждегі Олимпиадаға тағы бір солтүстікқазақстандық брейк-данс орындаушысы Амир Закиров қатысқан. 

Жасөспірімдер Олимпиадасынан бұрын Айзара 2-3 қазан күндері Қазақстан атынан ересектер арасындағы Азия ойындарында өнер көрсетеді, ал 29 қарашада Канадада өтетін Әлем чемпионатына қатысады.

Еске сала кетейік, бұған дейін жазғы Азия ойындарына Қазақстаннан 500-ге жуық спортшы қатысатынын хабарлаған едік.