Менің бірінші сыныбым Жамбыл облысы мұғалімінің әсерлі видеосы Қазнетті тәнті етті

Жамбыл облысындағы мұғалім оқушыларының бірінші сыныптағы және тоғызыншы сыныпқа дейінгі сәттерін көрсеткен әсерлі видео жариялады. Видео жарты миллион қаралым жинады, деп хабарлайды Tengri Life.

Жамбыл облысындағы мұғалім оқушыларының бірінші сыныптағы және тоғызыншы сыныпқа дейінгі сәттерін көрсеткен әсерлі видео жариялады. Видео жарты миллион қаралым жинады, деп хабарлайды Tengri Life.

Бұл кадрларды 26 жастағы Бақыт Бексұлтанов бөлісті. Ол Жамбыл облысы Төле би ауылындағы Бекмаханов атындағы мектеп-гимназияда тарих пәнінің мұғалімі болып жұмыс істейді.

Оның бұл салада жүргеніне 4 жыл 7 ай болды. Дулати атындағы Тараз өңірлік университетінде бакалавриат пен магистратураны аяқтаған соң, Бексұлтанов бірден мектепке келіп, сынып жетекшілігін алған. Қазір бұл оқушылар 9 "Б" сыныбында оқиды.

"Менің алғашқы сыныбым - бұл естеліктер осында сақталсын", - делінген жазбада.

Instagram-дағы бұл жазбаны көру

A post shared by Bahit Muratbekuly Beksultan (@beksi.kz)

Біз Төле би ауылының мұғалімімен хабарластық. Оның айтуынша, ол сабақ беретін мектепте оқу әдетте 11 жылға созылады, алайда оның сыныбы биыл тоғызыншы сыныптан кейін мектеппен қоштасуы мүмкін.

ОБСУЖДАЕТСЯ СЕЙЧАС

Алматыдағы жантүршігерлік жол апатына кінәлі жүргізуші туралы не белгілі?

24 наурыз 13:04 1

Қазақстанның Халық жазушысы Мұхтар Шаханов өмірден өтті

19 сәуір 22:47 1

Қорғаныс министрлігі Атырау облысында әскери техника түсірілген видеоға пікір білдірді

31 наурыз 16:22 1

"Биыл оқушыларымның көбі 9-сыныптан кейін кетеді - шамамен 12–13 бала колледжге түсуді жоспарлап отыр. Соған байланысты келесі жылы сынып жабылып қалуы мүмкін. Сондықтан біз осы сәтті есте сақтау үшін видео түсіруді жөн көрдік", - деді Бақыт Бексұлтанов.

Бақыт бұл сыныпқа оқушылар бесінші сыныпта оқып жүргенде жетекшілік ете бастаған. Оның сөзінше, ол кезде балалар мүлдем басқаша болған.

Мұғалім бастауыш сыныпты енді бітірген балалардың бастапқыда шулы және біршама ерке болғанын жасырмады. Алайда жыл өткен сайын олар есейіп, естияр болған.

Бақыттың айтуынша, қазір оның сыныбы мектептегі ең сабырлы әрі үлгілі сыныптардың бірі: оқушылары республикалық олимпиадалардың жүлдегері атанып жүр.

"Блог жүргізе бастағанда миллиондаған қаралым жинаған алғашқы видеоларымды дәл осы сыныппен бірге түсіргенмін", - деді ол.

Instagram-дағы бұл жазбаны көру

A post shared by Bahit Muratbekuly Beksultan (@beksi.kz)

Бақыт өзін нағыз мұғалім ретінде тек сынып жетекшісі болғанда ғана сезінгенін айтты. Осы жылдар ішінде ол өз жұмысының тек сабақ пен баға емес, әр баланың мінезі мен көңіл-күйіне назар аудару екенін түсінген. Оның пайымынша, тек білім беріп қоймай, оқушылардың өзін-өзі табуына көмектесу маңызды.

Google News арқылы жаңалықтарымызды қадағалаңыз