Минус екі жолақ LRT құрылысына байланысты Алматыдағы Момышұлы көшесінде қозғалыс қалай өзгереді

Алматыдағы ірі магистральдардың бірінде LRT желісінің құрылысына байланысты қозғалыс сызбасы уақытша өзгереді, - деп хабарлайды Tengri Auto.

Алматыдағы ірі магистральдардың бірінде LRT желісінің құрылысына байланысты қозғалыс сызбасы уақытша өзгереді, - деп хабарлайды Tengri Auto.

Қала әкімдігі мәліметінше, шектеулер Момышұлы көшесіне енгізіледі. Мөңке би көшесінен Төле би көшесіне дейінгі учаскеде қозғалыс үшін ортадағы екі жолақ жабылады.

Сонымен қатар, жұмыс жүргізу кезінде қоғамдық көлікке арналған арнайы жолақ жұмысын тоқтатады. Әкімдік өкілдері автоматты тіркеу камералары автокөліктердің бұл жолаққа шығуын тіркемейтінін нақтылады.

Жүргізушілерден жол жүру бағытын жоспарлау кезінде осы өзгерістерді ескеру және аталған учаскедегі қозғалыс қиындықтарына дайын болу сұралды.

Еске салайық, жаңа желі құрылысын 2027 жылдың екінші тоқсанында бастап, 2029 жылдың үшінші тоқсанында аяқтау жоспарланған.

Бұл ретте жеңіл рельсті көлік жүретін бағыт бекітіліп қойған.

Оның ұзындығы 18,3 шақырым болады және Алатау ауданының индустриялық аймағын "Алматы-2" теміржол вокзалымен байланыстырады. Бағыт Бауыржан Момышұлы және Төле би көшелерімен, одан әрі Абылай хан даңғылы бойымен "Райымбек батыр" көлік-транспорты торабына дейін өтеді.

Google News арқылы жаңалықтарымызды қадағалаңыз