Мұнда тұру мүмкін емес . Мемлекеттік бағдарлама бойынша пәтер алған отбасылар өздерін көшіруді сұрады

Ақмола облысында әлеуметтік осал топтарға берілген үйлер осал болып шықты. Берілгеніне жылдан енді асқан үйлердің шатырынан су ағып, едені көтеріліп, ішін көк басқан, - деп хабарлайды Tengrinews.kz тілшісі КТК телеарнасына сілтеме жасап.

Ақмола облысында әлеуметтік осал топтарға берілген үйлер осал болып шықты. Берілгеніне жылдан енді асқан үйлердің шатырынан су ағып, едені көтеріліп, ішін көк басқан, - деп хабарлайды Tengrinews.kz тілшісі КТК телеарнасына сілтеме жасап.

Былтыр ғана "бөркін аспанға атқан" Державинск кентінің 80 тұрғынының қуанышы қазір су сепкендей басылды

"Басында бәрі жақсы болды. Бірақ тамызда жаңбырмен бірге қиындықтар да басталды: көгеру, ылғал, үйге су кірді. Линолеумның астына су жиналды. Біз аудан әкімдігіне пәтерді ауыстыру мәселесімен бардық. Өйткені мұнда тұру мүмкін емес. Бірақ әкімдік мәселемізді толық шешпеді. Енді кімге барып айтамыз?" — деп шағымданды Ирина Лысенко.

Державинск орталығындағы пәтер кілттері толық емес және көпбалалы отбасыларға 2024 жылдың қысында берілген еді. Алайда алғашқы көктемгі жаңбыр жауа салысымен, пәтерлерге су жайылды. Әсіресе бесінші қабаттағылар қатты зардап шекті. Тұрғындар үйдің шатырын көргенде жағаларын ұстады: барлық жерде жарықтар мен тесіктер пайда болған.

Тұрғындардың сөзінше, комиссия мүшелері мәселелі үйге бірнеше рет келген, тіпті облыс әкімі де кемшіліктерді жоюды тапсырған. Бірақ қабырғалар мен бұрыштар әлі күнге дейін көгеріп тұр. Жаңа баспана береміз деп ешкім уәде беріп отырған жоқ. Ал құрылысшылар барлығын алдағы бір айдың ішінде реттейміз деп есеп берді.

"Шатырдың бүкіл алаңын сапалы әрі толық жөндеу үшін бізге күн райының тұрақталуын күту керек болды. Қазір жұмыс қызып жатыр. Шатырды бітіріп, толық герметикалықты қамтамасыз еткен бойда, біздің бригадалар үйдің ішіндегі зардаптарды жоюға көшеді", — деп уәде берді "Мега Строй групп" ЖШС өкілі Кенесары Қабкенов.

Google News арқылы жаңалықтарымызды қадағалаңыз