Музейге сыйланған мұрақ

ХІХ ғасырда Батыс Қазақстан өңірінде танымал болған қо­ғам қайраткері, Әбілқайыр хан­ның немересі, генерал майор Баймағамбет Айшуақов (1790-1847) пен Орал облысындағы Қа­рашығанақ болысын ұзақ жыл басқарған Ержан Шолақұлы (1818-1905) киген ұлттық баскиімдердің көшірмесін тарихи тұлғалардың ұрпағы өз қаражатына жасатып, аудан музейіне тарту етті. Айта кетейік, бұл баскиімдер­дің түпнұсқасы Ұлттық музейде сақтаулы тұр, тарихи фотосуреттерде де бейнеленген.

«Бұл біздің музей үшін үлкен мәртебе және де келер ұрпаққа қалатын баға жетпес жәдігер болды», дейді музей жетекшісі Зумрат Оқасқызы.

Бұл күні музей жанында «Бөрлі ауданының тарихы: зерт­теулер, деректер және тарихи мұра» тақы­рыбында дөңгелек үстел ұйым­дас­тырылып, өлке­тану­шылар соңғы кезде анықталған тың деректерді ортаға салды. Өлкетанушы, тарих ғылымдарының магистрі Айболат Құрымбаев «Борлы тау» кітабының 2 томын, «Борлы тау батырлары» тарихи еңбегін музейге табыстады. Өлкетанушы Дамир Еншібаев та жақында баспадан шыққан «Табын руының шежіресі» атты қостомдығын музейге сыйға тартты. Ал зерттеуші Нұрлан Сәдір белгілі Марабай жырау хақында тың деректерді ортаға салса, жас ғалым Ерсұлтан Мұратов Қазақстан және шетел архивтеріндегі Бөрлі ауда­нына қатысты деректерге шолу жасады.

Бұл кездесу Бөрлі өңірінің тари­хын­дағы өзекті мәселелерді талқы­лап, тарихи мұраны сақтау, келер ұрпаққа жеткізу бағы­тын­дағы ұсыныстар ортаға салынған маңызды жиын болды.

Батыс Қазақстан облысы