NASA Orion ғарыш кемесін Айға ұшырды

Ұшыру Флорида штатындағы Джон Кеннеди атындағы ғарыш орталығы алаңынан, жергілікті уақытпен 18:35–де өтті.

Экипаж құрамында Рид Вайзман, Кристина Кох, Виктор Гловер және Джереми Хансен бар. Олардың міндеті Айды айналып өтіп, Жерге қайта оралу. Миссияның ұзақтығы шамамен 10 күн болады.

Белгілі болғандай, ұшырылымға 1 жарым сағат қалғанда инженерлер қашықтықтан ұшуды тоқтату жүйесінде ақау анықтаған, бірақ оны тез арада жойды.

Айға соңғы адам қатысқан ұшу 1972 жылғы желтоқсанда АҚШ-тың «Аполлон-17» миссиясы аясында жүзеге асқан. 2019 жылдың көктемінде NASA Айға арналған Artemis («Артемида») бағдарламасын жариялады, ол үш кезеңнен тұрады. Бірінші кезең, Artemis I, Orion ғарыш кемесі арқылы Айды қонусыз айналып өтіп, Жерге оралуға арналған; ол 2022 жылғы 16 қарашадан 11 желтоқсанға дейін өтті. Екінші кезең, Artemis II, экипажбен Айды айналып өтуге бағытталған. Үшінші кезең, Artemis III, NASA астронавттарды Ай бетіне қондыруды жоспарлап отыр. 2025 жылғы маусымда АҚШ көлік министрі Шон Даффи қону алдағы 3,5 жыл ішінде болуы мүмкін екенін мәлімдеді, ал бұған дейін NASA оны 2027 жылдың ортасына жоспарлаған еді.

Еске салсақ, Orion ғарыш кемесіндегі миссия Айға соңғы 50 жылдан астам уақыттағы алғашқы адам қатысқан экспедиция болады. Artemis II экипажы тек жоғары деңгейдегі кәсіпқойлар емес, сонымен бірге мықты жеке тарихы, отбасы және ғылымнан тыс мотивациясы бар мамандар. Олардың әрқайсысы ұзақ дайындық пен іріктеуден өтті.

Бұған дейін NASA Айға қонуды 2028 жылға шегергені туралы жаздық. Содан кейін АҚШ басқармасы Айда база салу және ядролық ғарыш кемесін ұшыру туралы хабарлады.