Наурыз бағдарламасы бойынша 16 мың салымшы іріктеуден өтті

Egemen.KZ парақшасындағы ақпаратқа сәйкес, Qazaq24.com хабар таратты..

«Наурыз» бағдарламасына қатысушылардың тізімі жарияланды. «Отбасы банктің» мәліметінше, 26 822 өтініштің ішінен 16 000 салымшы іріктеліп, бағдарламаға қатысу мүмкіндігіне ие болды, деп хабарлайды Egemen.kz.

Фото: kursiv.media (архив)

Іріктелген азаматтар 2026 жылдың 6 сәуірі мен 12 мамыры аралығында несиеге өтінім беруі тиіс. Егер өтінім мақұлданса, қатысушыларға 6 ай ішінде тұрғын үй таңдап, сатып алу мүмкіндігі беріледі.

Бағдарлама «Отбасы банктің» ресми сайтында жарияланған қорытындылар негізінде жүзеге асады.

«Наурыз» бағдарламасы негізінен жастарға арналған бастама. Қатысушылардың орташа жасы – 32 жас. Олардың басым бөлігі отбасылы, балалы азаматтар: 9 296 қатысушының баласы бар, ал 7 569-ы некеде тұр.

Сонымен қатар 8 690 адам тұрғын үй кезегінде тұр, оның ішінде 2 689 азамат әлеуметтік осал топтарға жатады. Бұл – баспанаға мұқтаж, бірақ оны өз бетінше алу мүмкіндігі шектеулі азаматтар.

2 наурыздан бастап «Отбасы банк» үй кезегіндегілерге арналған талаптарды өзгертеді

Бағдарламаға қатысушылардың негізгі ерекшелігі – жинаққа деген жүйелі көзқарас. Орташа есеппен әр салымшыда кемінде 4,3 млн теңге жинақталған.

Ең жоғары нәтиже көрсеткен қатысушы – алматылық Жанар Омарова. Ол 1 284,67 балл жинап, бағдарламаға өткен. Оның айтуынша, табысты болудың кілті – қаржылық тәртіп пен тұрақтылық:

«Ай сайын 50 мың теңге тұрақты түрде депозитке аударып отырдым. Бір де бір рет тоқтаған емеспін. Дәл осы әдет мақсатқа жеткізді», дейді ол.

Бағдарламадағы іріктеу жинақталған балл жүйесі арқылы жүргізіледі. Негізгі критерийлер:

депозит бойынша сыйақы – әр 1 000 теңгеге 1 бал; некеде болу – 5 балл; баланың болуы – 10 балл; әлеуметтік осал топқа жату – 10 балл; жасы 35-ке дейін – 5 балл.

Мысалы, 1 млн теңге сыйақы – 1 000 балл. Бұл жүйе қатысушыларды жинақтауға ынталандырады және әділ іріктеуді қамтамасыз етеді.

Қатысушылардың баллы автоматты жүйе арқылы есептеледі, ал іріктеу тек бағдарламаға өтініш бергендер арасында жүргізіледі.

«Отбасы банк»: 600 мыңға жуық адам мемлекеттік сыйақы алды

Депозитті ерте бастап, оны жиі толықтыратын салымшылардың мүмкіндігі жоғары. Себебі: сыйақы көлемі – негізгі балл көзі әрі жинақ мерзімі ұзақ болған сайын нәтиже жоғары.

«Наурыз» бағдарламасы аясында:

бастапқы жарна – 20%-дан бастап; мөлшерлеме – 7% және 9%; несие мерзімі – 19 жылға дейін.

7% мөлшерлеме – әлеуметтік осал топтар мен кезекте тұрғандарға, ал 9% – басқа азаматтарға арналған.

Бағдарлама қатысушылары:

Баспана маркет (otbasybank.kz) арқылы үй таңдай алады; бастапқы нарықтағы тұрғын үйді (үлестік қатысу, кепілдікпен) сатып ала алады; кей жағдайда екінші нарықтағы тұрғын үйге де мүмкіндік бар.

Несие көлемі:

Алматы мен Астанада – 36 млн теңгеге дейін; өңірлерде – 30 млн теңгеге дейін.

«Отбасы банк» келесі тәсілдерді ұсынады:

«Отбасылық пакет» – отбасының бірнеше мүшесі бірлесе жинақтайды; Депозитті жиі толықтыру – тұрақты әрі жүйелі салым жасау; Зейнетақы қаражатын пайдалану – артық қаражатты депозитке аудару.

«Наурыз 2026» бағдарламасы жүйелі жинақ пен қаржылық тәртіпке негізделген тиімді механизм екенін көрсетті. 16 000 азаматтың баспанаға жақындауы – мемлекеттік тұрғын үй саясатының нақты нәтижесі. Енді олардың басты міндеті – несие рәсімдеп, өз үйін таңдау.