Непалдың бұрынғы премьер министрі наразылықтарды аяусыз басып жаншыды деген айыппен қамауға алынды

Непалдың бұрынғы премьер-министрі Шарма Оли 2025 жылы болған және «Z ұрпағының наразылығы» деген атпен белгілі жаппай шерулерді қатыгездікпен басуға қатысы бар деген күдікпен тұтқындалды, деп хабарлайды Arasha.kz.

Әлеуметтік желілерге тыйым салудан басталып, жемқорлық пен нашар экономикалық жағдайға наразылықпен ұласқан қыркүйектегі тәртіпсіздіктер кезінде 70-тен астам адам қаза тапты. Олардың көбін полиция атып өлтірген.

Экс-премьермен бірге бұрынғы ішкі істер министрі Рамеш Лехак та қамауға алынды.

Осы оқиғадан бір күн бұрын елдің жаңа премьер-министрі 35 жастағы рэпер Бален Шах ант берген болатын.

«Олар бүгін таңертең тұтқындалды, процесс заңға сәйкес жалғасады», - деп мәлімдеді полиция өкілі France Press агенттігіне.

Шарма Оли тағылған айыптарды жоққа шығарды, ал оның адвокаттары Reuters агенттігіне тергеудің бұл кезеңінде қорғалушысын ұстау негізсіз екенін айтты.

Наразылық шараларында басты рөл атқарған Непалдың жаңа ішкі істер министрі Судан Гурунг бұл тұтқындауды құптады.

«Заңнан ешкім жоғары емес... Бұл біреуден кек алу емес, тек әділдіктің орнауының бастамасы ғана», - деп жазды ол өзінің Instagram парақшасында.