Нөсерден +48 градусқа дейін Қазақстанда 19 шілдеде ауа райы қандай болады

"Қазгидромет" синоптиктері жексенбі, 19 шілдеге арналған ауа райы болжамын жариялады. Кей өңірлерде нөсер жауып, бұршақ түсіп, дауыл тұрады. Ал еліміздің оңтүстігі мен оңтүстік-шығысында ауа температурасы 48 градусқа дейін көтерілуі мүмкін, деп хабарлайды Tengrinews.kz.

Солтүстік пен орталықта дауыл мен бұршақ болады

Ақмола облысының батысында, солтүстігінде және шығысында жаңбыр жауып, найзағай ойнайды. Өңірдің батысы мен солтүстігінде қатты жаңбыр жауып, бұршақ түсіп, дауыл тұруы мүмкін. Түнде және таңертең облысты тұман басады.

Күндіз желдің екпіні секундына 15-20 метрге, кей уақытта 23 метрге дейін жетеді. Ауа температурасы түнде 17-22 градус жылы болады. Күндіз өңірдің басым бөлігінде 33-38 градус ыстық болса, батысы мен солтүстігінде 28 градус шамасында болады.

Көкшетауда көшпелі бұлт. Кей уақытта жаңбыр жауып, найзағай ойнайды. Жел секундына 9-14 метр жылдамдықпен соғады. Ауа температурасы түнде 18-20, күндіз 28-30 градус жылы болады.

Қостанай облысының батысында, солтүстігінде және шығысында жаңбыр жауып, найзағай ойнайды. Күндіз кей жерлерде қатты жауын жауып, бұршақ түсіп, дауыл тұруы мүмкін. Түнде және таңертең тұман түседі.

Күндіз облыстың батысында, шығысында және оңтүстігінде желдің екпіні секундына 15-20 метрге жетеді. Ауа температурасы түнде 13-18 градус, оңтүстікте 21 градус жылы болады. Күндіз 23-28, оңтүстікте 32 градусқа дейін көтеріледі.

Қостанайда таңертең және күндіз жаңбыр жауып, найзағай ойнайды, бұршақ түсуі мүмкін. Түнде және таңертең тұман түседі. Ауа температурасы түнде 15-17, күндіз 26-28 градус жылы болады.

Солтүстік Қазақстан облысында жаңбыр жауып, найзағай ойнайды. Күндіз облыстың оңтүстігі мен шығысында бұршақ түсіп, дауыл тұруы мүмкін. Түнде және таңертең батысы мен солтүстігін тұман басады.

Өңірдің оңтүстігі мен шығысында шығыстан соғатын желдің екпіні секундына 15-20 метрге жетеді. Ауа температурасы түнде 15-20, күндіз 25-30, оңтүстік-шығыста 33 градусқа дейін көтеріледі.

Петропавлда көшпелі бұлт. Жаңбыр жауып, найзағай ойнайды, түнде және таңертең тұман түседі. Ауа температурасы түнде 17-19, күндіз 26-28 градус жылы болады.

Павлодар облысының батысында, солтүстігінде және шығысында жаңбыр жауып, найзағай ойнайды. Күндіз бұршақ түсіп, дауыл тұруы мүмкін.

Өңірдің батысы мен шығысында оңтүстіктен соғатын желдің екпіні секундына 15-20 метрге жетеді. Ауа температурасы түнде 17-22 градус жылы болады. Күндіз 33-38 градус ыстық болса, облыстың солтүстігінде 30 градус шамасында болады.

Павлодарда көшпелі бұлт. Күндіз жаңбыр жауып, найзағай ойнайды. Желдің екпіні секундына 15-20 метрге дейін жетеді. Ауа температурасы түнде 18-20, күндіз 35-37 градус ыстық болады.

Қарағанды облысының батысы мен солтүстігінде жаңбыр жауып, найзағай ойнайды. Шығысында аздаған жаңбыр жаууы мүмкін. Оңтүстік-батыстан және батыстан соғатын желдің екпіні секундына 15-20 метрге жетеді.

Ауа температурасы түнде 21-26 градус, оңтүстікте 29 градус, шығыста 16 градус жылы болады. Күндіз облыстың басым бөлігінде 32-37 градус ыстық болады. Оңтүстікте ауа температурасы 42 градусқа дейін көтерілсе, шығыста 29 градус шамасында болады.

Қарағандыда таңертең және күндіз жаңбыр жауып, найзағай ойнайды. Желдің екпіні секундына 15-20 метрге жетеді. Ауа температурасы түнде 22-24, күндіз 32-34 градус жылы болады.

Ұлытау облысының батысында, солтүстігінде және шығысында өткінші жаңбыр жауып, найзағай ойнайды. Өңірдің солтүстігінде, шығысында және орталығында солтүстік-батыстан және батыстан соғатын желдің екпіні секундына 15-20 метрге жетеді.

Ауа температурасы түнде 24-29 градус, шығыста 20 градус жылы болады. Күндіз 36-41 градус ыстық болса, облыстың солтүстігінде 31 градус шамасында болады.

Жезқазғанда көшпелі бұлт, жауын-шашынсыз болады. Желдің екпіні секундына 15-20 метрге дейін жетеді. Ауа температурасы түнде 24-26, күндіз 36-38 градус ыстық болады.

Батыста күн райы қандай болады?

Батыс Қазақстан облысының солтүстігі мен шығысында жаңбыр жауып, найзағай ойнайды. Күндіз бұршақ түсіп, дауыл тұруы мүмкін.

Өңірдің солтүстігінде, шығысында және оңтүстігінде солтүстік-батыстан соғатын желдің екпіні секундына 15-20 метрге жетеді. Ауа температурасы түнде 13-18, күндіз 23-28 градус жылы болады. Облыстың оңтүстігінде күндіз 33 градусқа дейін көтеріледі.

Оралда жаңбыр жауып, найзағай ойнайды. Күндіз бұршақ түсіп, дауыл тұруы мүмкін. Ауа температурасы түнде 14-16, күндіз 25-27 градус жылы болады.

Атырау облысында жауын-шашынсыз, құрғақ ауа райы сақталады. Солтүстік-батыстан секундына 9-14 метр жылдамдықпен жел соғады. Ауа температурасы түнде 14-19, күндіз 27-32 градус жылы болады.

Атырауда көшпелі бұлт, жауын-шашынсыз болады. Ауа температурасы түнде 17-19, күндіз 29-31 градус жылы болады.

Маңғыстау облысының солтүстігінде, батысында және орталығында жаңбыр жауып, найзағай ойнайды. Күндіз облыстың оңтүстігінде желдің екпіні секундына 15-20 метрге жетеді.

Ауа температурасы түнде 22-27, күндіз 30-35 градус жылы болады. Облыстың оңтүстігі мен орталығында ауа температурасы 37-42 градусқа дейін көтеріледі.

Ақтауда көшпелі бұлт, жауын-шашынсыз болады. Ауа температурасы түнде 22-24, күндіз 30-32 градус жылы болады.

Ақтөбе облысының солтүстігінде түнде және күндіз өткінші жаңбыр жауып, найзағай ойнайды. Өңірдің шығысында жаңбыр жауып, найзағай ойнайды, бұршақ түсіп, дауыл тұруы мүмкін.

Облыстың солтүстігінде, шығысында және оңтүстігінде батыстан және солтүстік-батыстан соғатын желдің екпіні секундына 15-20 метрге жетеді. Ауа температурасы түнде 11-16 градус, оңтүстікте 21 градус жылы болады. Күндіз 20-25, облыстың оңтүстігінде 30 градусқа дейін көтеріледі.

Ақтөбеде күндіз өткінші жаңбыр жауып, найзағай ойнайды. Желдің екпіні секундына 15 метрге дейін жетеді. Ауа температурасы түнде 14-16, күндіз 22-24 градус жылы болады.

Шығыста бұршақ жауып, дауыл тұрады

Шығыс Қазақстан облысының батысында, солтүстігінде және шығысында күндіз өткінші жаңбыр жауып, найзағай ойнайды. Кей жерлерде бұршақ түсіп, дауыл тұруы мүмкін.

Өңірдің батысында, солтүстігінде және шығысында желдің екпіні секундына 15-20 метрге, кей уақытта 23 метрге дейін жетеді.

Ауа температурасы түнде 17-22 градус, солтүстігі мен шығысында 12 градус жылы болады. Күндіз 32-37 градус ыстық болса, оңтүстікте 41 градусқа дейін көтеріледі. Солтүстігі мен шығысында 28 градус жылы болады.

Өскеменде күннің екінші жартысында өткінші жаңбыр жауып, найзағай ойнайды. Күндіз желдің екпіні секундына 15-20 метрге дейін жетеді. Ауа температурасы түнде 17-19, күндіз 35-37 градус ыстық болады.

Абай облысының батысында, солтүстігінде және орталығында күндіз жаңбыр жауып, найзағай ойнайды. Бұршақ түсіп, дауыл тұруы мүмкін.

Өңірдің батысында, солтүстігінде және орталығында солтүстік-батыстан және солтүстіктен соғатын желдің жылдамдығы секундына 15-20 метрге, екпіні 25 метрге дейін жетеді.

Ауа температурасы түнде 18-23 градус жылы болады. Күндіз облыс бойынша 33-38 градус ыстық болса, оңтүстікте 41 градусқа дейін көтеріледі.

Семейде күннің екінші жартысында өткінші жаңбыр жауып, найзағай ойнайды. Күндіз желдің екпіні секундына 15-20 метрге дейін жетеді. Ауа температурасы түнде 18-20, күндіз 36-38 градус ыстық болады.

Оңтүстікте аптап ыстық пен шаңды дауыл болады

Қызылорда облысының солтүстігінде түнде аздаған жаңбыр жауып, найзағай ойнайды. Күндіз облыстың орталығында шаңды дауыл көтеріледі.

Өңірдің солтүстігі мен орталығында солтүстік және солтүстік-шығыстан соғатын желдің екпіні секундына 15-20 метрге жетеді. Ауа температурасы түнде 24-29 градус, солтүстікте 21 градус жылы болады. Күндіз 39-44 градус ыстық болса, облыстың солтүстігінде 34 градус шамасында болады.

Қызылордада көшпелі бұлт, жауын-шашынсыз болады. Ауа температурасы түнде 27-29, күндіз 41-43 градус ыстық болады.

Түркістан облысында жауын-шашын болмайды. Алайда күндіз облыстың солтүстігінде шаңды дауыл көтеріледі.

Солтүстік-шығыстан соғатын желдің екпіні облыстың солтүстігінде, оңтүстігінде, таулы және тау бөктеріндегі аудандарында секундына 15-20 метрге дейін жетеді.

Өңірде өте қатты ыстық болады. Ауа температурасы түнде 25-30 градус, таулы аудандарда 22 градус жылы болады. Күндіз 43-48 градусқа дейін көтерілсе, таулы аудандарда 38 градус шамасында болады.

Түркістанда жауын-шашын болмайды. Ауа температурасы түнде 28-30 градус, күндіз 46-48 градусқа дейін көтеріледі.

Алматы облысында жауын-шашын болмайды. Ауа температурасы түнде 23-28 градус, таулы аудандарда 13-18 градус жылы болады.

Күндіз өңірде 40-45 градусқа дейін өте қатты ыстық болады. Облыстың шығысында 33-38 градус, таулы аудандарда 23-28 градус жылы болады.

Іле Алатауы тауларында жауын-шашын күтілмейді. Ауа температурасы түнде 15-20, күндіз 27-32 градус жылы болады.

Қонаевта көшпелі бұлт, жауын-шашынсыз болады. Ауа температурасы түнде 23-25, күндіз 41-43 градус ыстық болады.

Жетісу облысында жауын-шашын болмайды. Солтүстік-шығыстан соғатын желдің екпіні Алакөл көлдері аумағында секундына 15-20 метрге, кей уақытта 23-28 метрге дейін жетеді.

Ауа температурасы түнде 18-23 градус, шығыста 26 градус, таулы аудандарда 13 градус жылы болады. Күндіз 40-45 градусқа дейін өте қатты ыстық болса, облыстың таулы аудандарында 32-37 градус болады.

Талдықорғанда жауын-шашын болмайды. Ауа температурасы түнде 18-20, күндіз 40-42 градус ыстық болады.

Жамбыл облысында жауын-шашынсыз ауа райы сақталады. Облыстың оңтүстік-батысында, солтүстік-шығысында және таулы аудандарында солтүстік-шығыстан соғатын желдің екпіні секундына 15-20 метрге жетеді.

Ауа температурасы түнде 23-28 градус, таулы аудандарда 18 градус жылы болады. Күндіз 40-45 градусқа дейін өте қатты ыстық болса, таулы аудандарда 37 градус шамасында болады.

Таразда көшпелі бұлт, жауын-шашынсыз болады. Күндіз желдің екпіні секундына 15-20 метрге жетеді. Ауа температурасы түнде 23-25, күндіз 43-45 градус ыстық болады.

Мегаполистердегі ауа райы

Шымкентте көшпелі бұлт, жауын-шашынсыз болады. Күндіз желдің екпіні секундына 15-20 метрге жетеді. Ауа температурасы түнде 26-28, күндіз 45-47 градусқа дейін көтеріледі.

Синоптиктер Алматыда көшпелі бұлт, жауын-шашынсыз болады деп болжап отыр. Ауа температурасы түнде 25-27 градус, күндіз 40-42 градусқа дейін көтеріледі.

Астанада көшпелі бұлт. Кей уақытта жаңбыр жауып, найзағай ойнайды. Оңтүстік-батыстан және батыстан секундына 9-14 метр жылдамдықпен жел соғады. Ауа температурасы түнде 20-22, күндіз 34-36 градус ыстық болады.

Google News арқылы жаңалықтарымызды қадағалаңыз

Жазылу