Нұрсаяда салынып жатқан үйдің шатырынан өрт шықты

Атыраудағы Нұрсая шағын ауданы, Т. Жұмағалиев көшесінде салынып жатқан тоғыз қабатты тұрғын үйдің шатырында өрт шыққаны туралы хабарлама 29 шілдеде сағат 12:39-да түскен.

Облыстық ТЖД мәліметінше, ғимараттың шатырында жылу оқшаулағыш материал — пеноплекс жанған.

Қазір өрт толығымен сөндірілді. Зардап шеккендер жоқ.

Тілсіз жау 100 шаршы метр аумақты шарпыды. Өрт сөндірушілер қызу жалынды сағат 13:10-да толық ауыздықтады.

Өрттің шығу себебі анықталып жатыр.

Анастасия ШЕРСТЯНКИНА

Бүгін, 15:48