NVIDIA ЖИ желілерін жеделдету үшін Marvell ге 2 миллиард доллар инвестициялайды

Компания өкілдерінің хабарлауынша, ынтымақтастық кремний фотоникасына — деректерді өңдеу орталықтарында тасымалдауды жеделдететін оптикалық технологияларға — бағытталатын болады.

Серіктестіктің мақсаты — жасанды интеллект және Nvidia графикалық процессорлары үшін арнайы чиптерді интеграциялауды клиенттерге барынша ыңғайлы ету.

Marvell қазір Amazon сияқты ірі америкалық компанияларға жасанды интеллектке арналған жеке үдеткіш чиптерді жасауға көмектесіп отыр. Nvidia-пен серіктестік осы технологияларды енгізуді жеделдетуге және деректер орталықтарының тиімділігін арттыруға мүмкіндік береді.

Бұрын Marvell Celestial AI компаниясын 3,3 миллиард долларға сатып алған еді. Бұл компания жүз мыңдаған жасанды интеллект үдеткіш чиптерін қуатты кластерлерге біріктіруге мүмкіндік беретін технологияларды дамытады. Бұл Google Gemini, Anthropic Claude және ChatGPT сияқты жүйелердің негізін құрайды.

Жаңалық жарияланған соң Нью-Йорк қор биржасында Marvell акциялары шамамен 9–11% өсті, ал соңғы бір жылда компания 50%-дан астам өсті, оның нарықтық капитализациясы шамамен 83 миллиард долларға жетті.

Айта кетейік, Қазақстанда NVIDIA компаниясымен серіктестікте егемен есептеу хабы құрылып жатыр.

Сонымен қатар жуырда ғана NVIDIA Қытайға арналған H200 ЖИ чиптерін қайта шығара бастады.