“Өкінемін, кінәлімін“: Қостанайда полицейге шабуыл жасағандар үндеу жариялады

Қостанайда құқық қорғау органы қызметкерін соққыға жыққан соң қамауға алынғандардың кешірім сұраған видеосы жарияланды, - деп хабарлайды Tengrinews.kz.

Қостанайда құқық қорғау органы қызметкерін соққыға жыққан соң қамауға алынғандардың кешірім сұраған видеосы жарияланды, - деп хабарлайды Tengrinews.kz.

Бұған дейін оқиғаның видеосы әлеуметтік желілерде тараған болатын. Қызметтен тыс уақытта жас балаларымен бірге жүрген полицей қоғамдық тәртіпті өрескел бұзған үш ер адамға ескерту жасаған. Олар бұған ашуланып, құқық қорғау органы қызметкеріне тап берген.

Қостанай облыстық полициясы күдіктілерді ұстау сәтінен кадрлар жариялады. Олар тек зардап шеккен полицейден емес, оның әріптестерінен де кешірім сұрады.

"Қателік жасағаным үшін барлық полиция қызметкерінен кешірім сұраймын, өкінемін, өтінемін, мені кешіріңіздер. Мұндай әрекетке енді ешқашан бармаймын. Кінәмді мойындаймын, өкінемін", - дейді видеода ұсталғандар.

Полицейге шабуыл жасағандарды қамауға алу түріндегі бұлтартпау шарасы бірден санкцияланған жоқ. Іс "Билік өкіліне қатысты қорқыту немесе күш көрсету әрекеттері" бабы бойынша қайта сараланғаннан кейін, олар тергеу изоляторына жіберілген. Ұсталғандар 15 жылға дейін бас бостандығынан айырылуы мүмкін.

Instagram-дағы бұл жарияланымды көру

NEWS Karaganda-Ulytau (@newskor.krg) жариялаған материал

"Бір топ тұлғаның полиция қызметкеріне шабуыл жасау дерегі бойынша сотқа дейінгі тергеу басталды. Қылмыстық құқық бұзушылық Қылмыстық кодекстің 380-бабы 6-бөлігі 4-тармағы бойынша сараланды, оның санкциясы 10-нан 15 жылға дейін бас бостандығынан айыру түріндегі қылмыстық жазаны қарастырады. Қостанай облыстық соты 2 ай мерзімге күзетпен ұстау түріндегі бұлтартпау шарасын санкциялады", - деп хабарлады Қостанай прокуратурасынан.

Бұған дейін Tobolinfo.kz журналистері зардап шеккен полицеймен тілдескен болатын. Ол Қостанай қалалық Полиция басқармасында жұмыс істейтін Руслан Қазиев болып шықты. Ол сол күні 5 және 7 жасар балаларымен үйден шыққанда қоғамдық тәртіпті бұзған үш жігітті байқағанын айтты. Оның ескертуінен кейін ер адамдар агрессия танытқан.

Салдарынан полицей бас-ми жарақатын алып, көп жерінен соққы алған. Алғашында ол ауруханаға жатудан бас тартқан, алайда кейінірек жағдайы нашарлап, қазір ведомстволық госпитальда стационарлық ем қабылдап жатыр.

Айта кетсек, желіде полицейді соққыға жыққан сәттің кадрлары пайда болған еді.