Өндірістік цехтар жұмысын бастады

Жақында Маңғыстау облы­сын­да «Новые трубные тех­­нологии» ЖШС-ның екі жаңа өн­дірістік цехы ашыл­­ды. Ақтау қала­сы­­ның өнер­­кәсіп айма­ғында ор­на­­­ласқан өн­ді­ріс­­тік алаң­­дар­­дың ашылуына Маң­ғыс­тау облы­сының әкімі Нұрдәулет Қилыбай, өңір­­дің жетекші мұнай-газ ком­­па­ния­­ларының өкіл­­­дері қатыс­­­ты.

Жобаның бірі – икемді поли­мерлі арматураланған құбыр­лар шығаратын иннова­ция­лық цех. 3,5 млрд теңге көлемінде инвестиция салынған бұл жоба еліміздегі алғашқы локализацияланған өндіріс орны. Мұнай-газ, химия өнеркәсібінің қажеттіліктеріне бағытталған цехтың өндірістік қуаты жылына 300 шақырымға дейін құбыр өндіруге мүмкіндік береді. Болат пен сорап-ком­прессорлық құбырлардың ішкі бетіне антикоррозиялық жабын жағуға арналған екінші цехтың жобалық инвестиция көлемі – 5 млрд теңге, өндірістік қуаты жылына 600 шақырымға дейін құбыр өндіруге мүмкіндік береді. Өнім мұнай, газ бен жоғары қысымдағы химиялық сұйықтықтарды тасымалдау кезінде пайдаланылады.

– Мұндай өндіріс орын­да­рының ашылуы өңірдің эко­но­микалық дамуына серпін береді. Бұл – жаңа жұмыс орындары мен жергілікті кадрлардың дамуына мүмкіндік. Ең бастысы, отандық өндірісті дамыту арқы­лы еліміздің өнеркәсіптік тәуел­сіздігін нығайтамыз, – деді облыс әкімі.

Екі жаңа жоба аясында 125 жаңа жұмыс орны құрылды, өндіріс толық іске қосылғанда тағы 25 адамды жұмысқа орналас­тыру жоспарланып отыр.

Маңғыстау облысы