Өскемендегі экологиялық ахуалды жақсартуға ₸10 млрд бөлінеді. LIVE

Өскеменде экологиялық проблемаларды шешуге 10 миллиард теңге бағытталады. Мамандар әсіресе қаладағы ірі кәсіпорындардың арнайы сүзгі орнатуын ерекше назарға алады. Өкінішке қарай, талапты ескермейтін мекемелер әлі бар. Экоахуалды бақылау мақсатында шаһардың барлық аумағын қамтитын 15 датчик орнату көзделген. Бұл құрылғының көмегімен экологтар  зертхана ішінде отырып-ақ, әр ықшамаудандағы ауа құрамы жайлы ақпарат алады. Жақында өндірісті қалаға мобильді зертхана жеткізілді. Дегенмен тымық күндердің көп болуына байланысты қолайсыз метеорологиялық жағдай күнара жарияланып отыр. Бұл таудың ортасында тұрған шаһардың ауа қабатына кері әсер ететін фактор.

Эльмира Ахметова, тілші:                                                           

- Біз қазір мынадай биіктеу жерде тұрмыз. Соңғы екі-үш күн бойы жағдай тіпті ушыққан болатын. Қала толықтай көк түтінге оранып, көрінбей қалғаны рас. Сондықтан мынадай ашықтау аспанды көру де біз үшін көп көрім қуаныш. Жыл басынан бері облыс орталығанда 110 күнен астам қолайсыз метеорологиялық күн жарияланды. Бұл дегеніміз осыншама желсіз тымық күн тіркеліп, бүкіл  бөлінген газ, шыққан түтін, зиянды-зиянсыз қалдықтар ауада іркіліп тұрып қалды дегенді білідреді. Осыдан барып ауа сапасы нашарлап, тынысымыз тарылып, жайсыздық сезіле бастайды.

Осы қазан қараша айларында мұндай күндер тіпті көбейді. Әдетте желсіз күндері өнеркәсіп орындары өздерінің өндіріс қуатын азайтуға көшеді. Мәселен, металлургиялық кешен өз өндіріс қарқынын 20% кемітті. Соған қарамастан күкірт диоксиді мен күкіртсутек мөлшерінің артып кеткені жиі байқалып тұрды. Тіпті елімізде тұңғыш рет осы біздің қаламызда ауа сапасының нашарлауына орай қазан айында оқушылар қашықтан оқу режіміне көшкен болатын. Сөйтіп, аязды, боранды күндері ғана емес, енді ауа құрамы қатты ластанған кезде мектептер онлайн оқуға ауыса алады. Бұл шешім осы жақында Үкімет басшысының тапсырмасымен нақтыланып, бекітілді. Өскеменнің жалпы таза қалаға айналуы мұндағы тұрғындардың басты арманы десе де болады.

Экологиялық мобильді зертхана әкелінді. Демеушілер қолдауымен ол кешен 65 миллион теңгеге алынған.

Ол техника бір демде ауа құрамын 11 концентратқа тексеріп шығады, күкірт диоксиді, азот тотығы, азот оксиді сынды элеметтерді бір-ақ анықтап береді. Бұрын, әрине, экологтардың қолында кішкене ескі құралмен жұмыс істеп келді. Ол барлық мәліметті жедел жинақтауға мүмкіндік бермеген еді. Ал мобильді зертаханадан алынған ақпарат қорытындысымен бірден тексеріс жүргізіп, қажетті ұсыныстар дайындауға болады. Ендігі міндет – осы мобильді техникамен жұмыс істейтін арнайы маман тауып, ақылды зертхананы толық іске қосу.