Ақтауда су арнасын тереңдетуге 1,5 млрд теңге бөлінеді

Ақтауда су арнасын тереңдету үшін республикалық бюджеттен 1,5 млрд теңге бөлінеді.

Каспий теңізіне бағытталған канал, электр энергиясын өндіретін станцияға сағатына 210 мың текше метр су жеткізу үшін пайдаланылады. Жалпы энергетикалық кешенде теңіз суы тұщы-ланып, ауызсу ретінде таратылады. Сондай-ақ Маңғыстау облысын электр энергиясымен, Ақтау қаласын жылумен қамтамасыз етеді. Маңызды станцияның жұмысын тоқтатпау үшін, су арнасын 1200 метрге ұзарту жоспарланып отыр. Қазір мердігер анықталып, құрылыс жұмысы басталып кетті. Оның барысымен Мәжіліс депутаттары танысты.

Бекболат Орынбасаров, ҚР Парламенті Мәжілісінің депутаты:

- Бірінші ТЭЦ-тің қасынан теңіздің түбін ұңғу мәселесі жүріп жатыр. Бұл былайша айтқанда судың келуін көбейту деген мәселе. Сосын мынау ТЭЦ-2 дейтін едік, МАЭК-ке келетін бар. Соның да мәселесін біз қазір ақша мәселесімен шештік. Келесі жылғы бюджетке қаралды 1,5 млрд теңге. Бұл мәселе де шешілді. Қазір жұмыс жүріп жатыр.

Бердібек Қартбаев, облыстық энергетика және ТКШ басқармасының басшысы:

- Қазіргі таңда тиісті мердігер мекеме бар. Ол жұмыстарын бастап кетті. Жалпы келісім-шартқа сай келесі жылы аяқтау керек. МАЭК мекемесі негізінен осы канал арқылы өзінің қондырғыларын су тұшытуға одан бөлек станцияға қолданады. Сондықтан осы мәселені шешу бағытында каналды кеңейту жұмыстары жүргізілуде.