Павлодар мен Абай облыстары арасындағы жолдар жабылды

АСТАНА, 4 қараша – Sputnik. Павлодар мен Абай облыстары арасындағы республикалық маңызы бар жолда шектеу енгізілді, деп хабарлайды "ҚазАвтоЖол".

Павлодар полиция департаментінің мәліметінше, шектеу көліктің барлық түріне қатысты.

"4 қарашада сағат 20-30 ауа райының нашарлауына байланысты "ҚХР шекарасы – Майқапшағай – Семей – Павлодар – РФ шекарасы арасындағы республикалық маңызы бар автожолға шектеу енгізілді. Көліктің барлық түріне бұл учаскемен жүруге болмайды", - дейді ведомстводағылар.

Павлодар облысы:

"ҚХР-Майқапшағай-Қалбатау-Семей-Павлодар-РФ шекарасы" 427-587 шақырым "Кенжекөл ауылы мен Абай облысы шекарасы).

Абай облысы:

"ҚХР-Майқапшағай-Қалбатау-Семей-Павлодар-РФ шекарасы" 587-733 шақырым (Павлодар облысы шекарасы - Семей қаласы).

Жолды 05 қараша күні сағат 07:30-да ашу жоспарланған.

1403 байланыс орталығына хабарласып, тәулік бойы қосымша ақпарат алуға болады.

Айта кетейік, ауа райының күрт нашарлауына байланысты жол қызметі күшейтілген режимге көшті.