Павлодар облысында телефон алаяқтары әйелді 700 мың теңгеге алдап соқты

Павлодар облысының тұрғыны өзін банк қызметкерлері ретінде таныстырған алаяқтардың арбауына түсіп қалған. Олар әйелге белгісіз біреулер оның атына заңсыз несие рәсімдеуге әрекет жасап жатқанын айтып, ақшаны сақтау үшін «қауіпсіз шотқа» аудару қажет екеніне сендірген.

Қазақстанда алаяқтыққа қатысты іс бойынша Оңтүстік Кореяның 14 азаматы ұсталды

Алаяқтардың нұсқауын орындаған әйел несие рәсімдеп, 700 мың теңгені көрсетілген шотқа аударып жіберген. Кейін өзінің алданғанын түсінген ол Шарбақты аудандық полиция бөліміне жүгінген.

Жедел-іздестіру шаралары барысында полиция қызметкерлері қылмыстың мән-жайын анықтап, ұрланған қаражатты заңды иесіне қайтарды.

Интернет-алаяқтыққа қатысы барларға өлім жазасын қолдану мақұлданды

Полиция азаматтарға тағы да ескерту жасады: Банк немесе мемлекеттік орган қызметкерлері ешқашан телефон арқылы несие рәсімдеуді, SMS-кодтарды айтуды немесе ақшаны бөгде шотқа аударуды талап етпейді. Күмәнді қоңырау түскен жағдайда әңгімені дереу тоқтатып, банкке ресми байланыс арналары арқылы хабарласу қажет.