Павлодарда колонияның бұрынғы басшысы мемлекеттік құпияны жария еткені үшін сотталды

Павлодарда №45 түзеу мекемесінің бұрынғы бастығы мемлекеттік құпияны жария еткені үшін сотталды, деп хабарлайды Arasha.kz сайты Павлодар облысы прокуратурасының баспасөз қызметіне сілтеме жасап.

«Павлодарда сот №45 түзеу мекемесінің бұрынғы бастығына қатысты үкім шығарды. Ол лауазымдық өкілеттігін асыра пайдаланғаны және мемлекеттік құпияны құрайтын мәліметтерді жария еткені үшін кінәлі деп танылды. Атап айтқанда, колонияның бұрынғы басшысы белгілі бір сыйақы үшін кейбір сотталғандарға жазасын өтеудің артықшылықты жағдайларын жасап берген. Сондай-ақ мемлекеттік айыптауды қолдаған прокурордың белсенді әрі табанды ұстанымының арқасында оның қызметтік міндеттерін атқару кезінде қызметтік ақпаратты жария қалдырғаны дәлелденді», — делінген дүйсенбі күнгі хабарламада.

Ведомствоның мәліметінше, қылмыстардың жиынтығы бойынша сот сотталушыға 6 жыл 6 айға бас бостандығынан айыру жазасын кесті. Сонымен қатар ол мемлекеттік қызметте лауазымды қызмет атқару құқығынан өмір бойына және «подполковник» арнайы атағынан айырылды.

«Сот үкімі заңды күшіне енген жоқ», — деп толықтырды прокуратура өкілдері.