Павлодарда соғыс ардагері ғасырлық мерейтойын атап өтті

АСТАНА, 21 ақпан - Sputnik. Павлодарда Ұлы Отан соғысының ардагері Василий Григораш өзінің 100 жылдық мерейтойын атап өтті, деп хабарлайды облыстық әкімдік.

Ғасыр жасаған майдангерді мерейтойымен облыс әкімі Асайын Байханов құттықтады.

© Photo : Акимат Павлодарской области/Valeriy BUGAYEVС вековым юбилеем ветерана Василия Григораша поздравил аким Павлодарской области Асаин Байханов

С вековым юбилеем ветерана Василия Григораша поздравил аким Павлодарской области Асаин Байханов

© Photo : Акимат Павлодарской области/Valeriy BUGAYEV

Соғыс басталғанда Василий Григораш небәрі 17 жаста еді. Сол бозбала шағында Отан қорғауға майданға аттанды. 1943 жылы жас жауынгерлер мектебін тәмамдап, 293-дивизияның 1034-атқыштар полкі құрамында Забайкалье әскери округіне жіберілді. Қатардағы жауынгерден бөлімше командиріне дейінгі майдан жолын абыроймен жүріп өтіп, жауапкершілік, төзімділік және нағыз жауынгерлік мінез көрсете білді.

Ерлігі мен жанқиярлығы үшін ардагер ІІ дәрежелі Ұлы Отан соғысы орденімен, "Жапонияны жеңгені үшін" медалімен, сондай-ақ мерейтойлық наградалармен марапатталған. Оның жауынгерлік еңбегі – жеке өмірбаяны ғана емес, тарихтың бір бөлігі.

© Photo : Акимат Павлодарской области/Valeriy BUGAYEVС вековым юбилеем ветерана Василия Григораша поздравил аким Павлодарской области Асаин Байханов

С вековым юбилеем ветерана Василия Григораша поздравил аким Павлодарской области Асаин Байханов

© Photo : Акимат Павлодарской области/Valeriy BUGAYEV

Майдангер Павлодарға келіп, жарты ғасырдан астам уақытын локомотив депосындағы еңбекке арнады: жүк және жолаушылар пойыздарын жүргізіп, темір жолдың сенімді әрі үздіксіз жұмысын қамтамасыз етті.