Кіру
Жаңалықтар
Ауа райы
Магниттік дауылдар
Намаз уақыты
Қымбат металдар
Валюта конвертері
Кредит есептегіш
Криптовалюта бағамы
Жұлдыздар
Сұрақ - Жауап
Интернет жылдамдығын тексеріңіз
Қазақстан радиосы
Қазақстан телевизиясы
Біз туралы
Петропавлдағы Қалыңдық үйі жаңарып, екінші тынысы ашылды
Inform.KZ парақшасынан алынған деректерге сүйене отырып, Qazaq24.com мәлімдеме жасады..
Халит Янгузаров көпес ХІХ ғасырдың соңында тұрғызған ғимарат республикалық маңызы бар тарихи-мәдени ескерткіш ретінде қорғауға алынған. Бірнеше рет қирап қала жаздаған ерекше нысанда былтыр күрделі жөндеу жұмыстары жүргізілді.
Фото: Ақерке Дәуренбекқызы / Kazinform
Алматылық Қазақ материалдық мәдениет ғылыми-зерттеу және жобалау институтының мамандары үйдің бастапқы кейпін барынша сақтап, қалпына келтіруге тырысты.
Фото: Ақерке Дәуренбекқызы / Kazinform
Реставрация жұмысы барысында үйдің төбесі, қабырғаларынан қазіргі уақытта сирек кездесетін альфрейлі жазба табылды.
Ғимарат модерн стилінде салынғанымен, негізінен гүлдермен безендірілген. Жөндеу жұмысымен айналысқан мердігер компания мұның бәрін сақтап қалуға тырысты.
Фото: Ақерке Дәуренбекқызы / Kazinform
Сондай-ақ, сәулетші кезінде үйдің әрлеу жұмыстарына итальян керамика тақтайшаларын қолданған, ол да бүгінге дейін жақсы сақталған.
Ерекше ғимарат биыл жазда Мағжан орталығы болып қайта ашылды. Оған Қазақстанның құрметті журналисі, белгілі мағжантанушы Жарасбай Сүлейменов жетекшілік етеді.
Фото: Ақерке Дәуренбекқызы / Kazinform
— Осында келіп, үйді, жәдігерлерді тамашалап жатқан адамдар өте көп. Бұл орталықтың негізгі мақсаты — осы өңірде әдебиетті дамытуға үлес қосу. Мағжанның мұрасын бұрынғыдан да тереңірек зерттеу, Мағжанды ұлықтау, насихаттау. Әсіресе мынау жас буынның санасына Мағжан есімін сіңіру. Бұл жерде Мағжанның ғана емес, өңірімізден шыққан қабырғалы қаламгерлер де назарда болады. Олардың өміріне, шығармашылығына қатысты іс-шаралар ұйымдастырылады. Келіп жатқан адамдардың барлығын қабылдаймыз. Ішіндегі дүниелерін көрсетеміз, Мағжан туралы білгенімізді айтамыз. Оның бәрі дұрыс, бірақ, олардың түсінуінше, бұл мұражай сияқты ашылған, солай қабылдап жатыр. Бұл кәдімгі Мағжан мұрасын зерттеумен айналысатын, соны дамытатын орталық, — дейді Жарасбай Сүлейменов.
Фото: Ақерке Дәуренбекқызы / Kazinform
Естеріңізге салайық, ерекше тарихы бар Петропавлда көптеген көне ғимараттар сақталған.
Фото: Ақерке Дәуренбекқызы / Kazinform
Фото: Ақерке Дәуренбекқызы / Kazinform
Бұл тақырыптағы басқа жаңалықтар:
Көрілімдер:69
Бұл хабарлама дереккөзден мұрағатталған 28 Қазан 2025 15:37 
Ең көп оқылғандар
