Полиция киберқылмыстың жаңа түрі туралы ескертті

Банк қауіпсіздік қызметінен», «IT-мамандардан» және басқа да «мемлкеттік қызметкерлерден» түсетін қоңыраулар азаматтардың шттарынан ақша жымқырумен аяқталуы мүмкін.

Солтүстік Қазақстан облысында жаңа схема бойынша жасалған 3 интернет қылмыс тіркелді.

Белгісіз тұлғалар түрлі ұйымдардың қызметкері ретінде хабарласып, азаматтарды вирусқа қарсы бағдарлама орнатуға көндіреді. Бұл бағдарлама банк қосымшаларын қорғайды деп сендіреді.

Сенген адамға сілтеме жіберіліп, ол құрылғысына зиянды бағдарламаны жүктеп алады.

Салдарынан алаяқтар жәбірленушінің банк қосымшасына қол жеткізіп, оның шоттарындағы қаражатты толық шешіп алады.

Жалпы, екі ай ішінде СҚО-да 110 интернет алаяқтық фактісі тіркелді. Бұл өткен жылдың осы кезеңімен салыстырғанда 9% аз. Оның 52-сі «банктен қоңырау шалу» схемасы бойынша жасалған.

Айта кетелік алаяқтық жасаған Қазақстан азаматы Ресейден экстрадицияланған еді.