Telegram дағы тегін кітаптар: Бас прокуратура жаңа алаяқтық түрі туралы ескертті

АСТАНА, 17 қаңтар – Sputnik. Бас прокуратураның қылмыстық қатерлер мен қоғамдық қауіпсіздік тәуекелдерін болжау орталығы интернет-алаяқтықтың жаңа схемасы туралы ескертті

"Алдау схемасы өте қарапайым: Сіз Telegram-нан кітаптардың үлкен кітапханасына шектеусіз қолжетімділік туралы хабарлама аласыз. Қажетті кітап сұралғаннан кейін бот нақты сервиске ұқсатып жасай отырып, кітап сюжетінің қысқаша сипаттамасын жасайды, бірақ кітапты оқу немесе жүктеудің орнына сізге "арнайы қосымша" деген атаумен вирустық файл жібереді", - деп хабарлады орталық.

Файлды орнату өте ауыр салдарға әкеледі:

парольдер мен ақшаларды ұрлау,

хат алмасу және фотосуреттерге қол жеткізу,

смартфонды қашықтан басқару және жеке деректерді жоғалту.

Бейресми көздерден басқа қосымшаларды орнату жағымсыз салдарларға әкеп соғуы мүмкін.