Путинді сынаған блогер психиатриялық ауруханаға түсті

Кремльшіл блогер Илья Ремесло Путин мен Украинадағы соғысты сынағаннан кейін Санкт-Петербургтегі психиатриялық ауруханаға жатқызылды, деп хабарлайды Arasha.kz.

БАҚ мәліметінше, Ремесло Скворцов-Степанов атындағы №3 қалалық психиатриялық ауруханасында жатыр. Дереккөздер оның алғаш рет байқалған психикалық бұзылыстары бар пациенттерді емдейтін 16-бөлімшеде екенін нақтыланды.

Клиниканың анықтама қызметі журналистерге мұндай деректері бар пациенттің емделіп жатқанын және оған сәлемдеме беруге болатынын растады. Блогер Telegram желісінде соңғы рет 18 наурыз күні кешке онлайн болған.

XIX ғысырда негізі қаланған бұл мекеме, құқық қорғаушылар мен тарихшылардың айтуынша, кеңестік кезеңде «жазалаушы психиатрия» үшін де пайдаланылған. Онда ұсталғандардың арасында диссидент Александр Скобов болған. Қазіргі Ресейде де бұл аурухананың аты осындай тәжірибелермен байланысты аталды, атап айтқанда 2023 жылы соғысқа қарсы жазбалар таратты деп айыпталған Петербор тұрғыны Виктория Петрова осы жерге орналастырылған болатын.

Илья Ремесло - заңгер және блогер, ол Алексей Навальный мен оның жақтастарына қарсы ақпараттық науқандарға қатысуымен танымал. Ол әр жылдары шағым түсіріп, соның нәтижесінде бірнеше істер қозғалған, соның ішінде ардагер Игнат Артеменкоға жала жабу туралы іс бар. Сондай-ақ, ол кейбір интернет-ресурстарды «жалған» деп таңбалауға қол жеткізген.

Ауруханаға түсер алдында Ремесло Владимир Путин мен Украинадағы соғысты сынайтын бірқатар жазбалар жариялады. Ол президентті қолдауды тоқтатқанын мәлімдеп, оны экономикаға нұқсан келтірді және сөз бостандығын шектеді деп айыптады, сондай-ақ оның отставкаға кетуін және сотқа тартылуын талап етті. Блогер сонымен қатар кез келген тергеуге дайын екенін айтқан болатын.