Қабан жолбарысқа қарсы: “Іле Балқашта“ аңшылықтың күтпеген аяқталуы видеоға түсіп қалды

Қазақстандағы табиғи резерватта жолбарыс пен қабанның кезігу сәті видеоға түсіп қалды. Қазақстандықтар кадрға Үміт атты жолбарыс түскен болуы мүмкін деп болжады. Құзырлы министрлік жағдайға қатысты пікір білдірді, деп хабарлайды Tengri Travel тілшісі.

Бұл Үміт атты жолбарыс па?

Әлеуметтік желілерде "Іле-Балқаш" резерватынан видео тарады, онда қабан жолбарысқа күтпеген жерден тап беріп, жыртқышты кейін шегінуге және жасырынуға мәжбүр етеді. Желі қолданушылары кадрда жақында ғана табиғи ортаға жіберілген Үміт атты жолбарыс болуы мүмкін деп топшылады.

Экология министрлігі видео резерват аумағында түсірілгенін растады, алайда бейнежазбада Үміт жоқ екенін атап өтті.

Ведомствоның мәліметінше, видеода 2024 жылы Нидерландтан Қазақстанға әкелінген екі жолбарыстың бірі - Богдан атты аталық жолбарыс немесе Кума атты аналық жолбарыс бейнеленген. Видео 2026 жылы түсірілген. Қазіргі уақытта қос жануар да резерватта.

Еске сала кетейік, 2024 жылдың қыркүйегінде Қазақстанға алғашқы болып екі Амур жолбарысы - Богдан атты аталық және Кума атты аналық жолбарыс әкелінді. Жануарлар Іле-Балқаш резерватына орналастырылды. Жолбарыстар сәтті бейімделді: олар шағылыса бастады, бұл қолайлы жағдайдың маңызды белгісі болып саналады. 2025 жылдың желтоқсанында Экология және табиғи ресурстар министрі жолбарыстардың жағдайы тұрақты жақсы деп бағаланатынын атап өтті.

Тамызда Қазақстанда кейінгі 70 жылдан аса уақыт ішінде алғаш рет Үміт атты Амур жолбарысы тарихи мекеніне жіберілген болатын.

Тағы оқыңыз: “Көптен бері хабар жоқ“: қазақстандықтар Үміт атты жолбарысқа алаңдаушылық білдірді

Google News арқылы жаңалықтарымызды қадағалаңыз