Қайта түлеген спорттық инфрақұрылым

Әрдайым жаңашылдыққа баса мән беріп, студенттердің алаң­сыз білім алуына, денсау­лығын шың­дап, саламатты өмір салтын ұстануына назар аударатын Шәкәрім универ­ситетінде тағы бір қуанышты жаңалықтың лебі есті.

Сурет: vestisemey.kz

Оқу ордасының №1 Спорт кешенінде дәстүрге айналған спартакиаданың салтанатты ашылуымен қатар заман талабына сай жаңартылған бассейннің тұсауы кесілді.

Ертеден «Семей – студенттер қаласы» атанғанын ескерсек, білім алушы жас­тардың игілігіне берілген бұл спорттық ны­санда барлық қажетті жағдай ескерілген.

Шәкәрім университетінің жылдар бойғы қалыптасу кезеңін жетік білетін Ардагер ұстаз Анатолий Сидельников спартакиаданың ашылу салтанатында бассейн орналасқан ғимарат тарихына да тоқталды. Ардагердің айтуынша, бұл спорт кешені осыдан 46 жыл бұрын студенттер мен қала тұрғындарының бірлескен еңбегімен салынған.

«1980 жылдың қыркүйегінде жүзу бассейні іске қосылып, осы кешенде қалалық, облыстық, республикалық, тіпті, 1982 жылы Бүкілодақтық деңгей­дегі жарыстар өткізілді. Ол кезде бұл денешынықтыру саласы бойынша облыстағы жалғыз кешен болатын. Бүгінгі жаңғыртылған нұсқасын көріп, шынымен де таңғалып тұрмын. Жөндеу жұмыстары жақсы жүргізілген, кешеннің жаңа келбетіне көңілім толды», деді қарт ұстаз ағынан жарылып.

Ұзақ жылдар бойы түрлі заман құбы­лысының әсерінен қолданыстан шығып қалған жүзу бассейні былтыр күрделі жөндеуден өтіп, қайта іске қосылғаны университет студенттері үшін жыл басталғандағы үлкен сый болғаны даусыз.

Қазір мұнда заманауи құрылғылармен жабдықталған спорт және жаттығу залдары, фитнес орталығы жұмыс істеп тұр. Жаңарған инфрақұрылым білім алушылардың спортпен жүйелі түрде айналысуына, соның ішінде жүзуді меңгеруіне зор мүмкіндік беріп отыр.

Жалпы аумағы 14х25 метрді құрайтын бассейн заманауи талаптарға сай жаңғыртылып, алдағы уақытта университет қауымы мен қала тұрғындарының игілігіне қызмет етпек.

Абай облысы 

Соңғы жаңалықтар

Отандық оқу орындарының өрісі

Білім • Бүгін, 08:15

Қайта түлеген спорттық инфрақұрылым

Университет • Бүгін, 08:12

ЖИ-аватар

Ғалам ғажаптары • Бүгін, 08:10

Гүлмираның «yoonee.ai» платформасы

Digital • Бүгін, 08:08

Жастар кәсіпкерлігі: қолдау бар, қайтарымы қалай?

Бизнес • Бүгін, 08:05

Білім нысандарын аралады

Аймақтар • Бүгін, 08:03

Робот-полиция

Ғалам ғажаптары • Бүгін, 08:00

Жедел жәрдем автопаркі жаңарды

Аймақтар • Бүгін, 07:55

Бұйырмаған қазы

Ең қысқа әңгіме • Бүгін, 07:50

Сирек аңдармен толықты

Алматы • Бүгін, 07:45

Моноспектакльдегі мөлтек сыр

Театр • Бүгін, 07:40

Жарыс күнделігі

Спорт • Бүгін, 07:35

Аян

Ғалам ғажаптары • Бүгін, 07:30

Петропавлда хабар-ошарсыз кеткен 18 жастағы жігіттің мәйіті орманнан табылды

Оқиға • Кеше

Ертең еліміздің бірқатар өңірінде түман түсіп, боран соғады

Ауа райы • Кеше

Барлық жаңалықтар